អ.ស.ប. បានព្រមានថា ខ្លួនបានរំពឹងថានឹងជួប «គ្រោះអាក្រក់បំផុត» ក្នុងមហន្តរាយ ព្យុះទីហ្វុង ដែលបានបំផ្លិចបំផ្លាញប្រទេសហ្វីលីពីន ដោយនិយាយថា ទីប្រជុំជនតែមួយ អាចមានអ្នកស្លាប់លើសពី១ម៉ឺននាក់ ដោយបន្ថែមភាពបន្ទាន់ថែមទៀត ចំពោះប្រតិបត្តិការសង្គ្រោះ ដែលកំពុងបន្តកាលពីថ្ងៃអង្គារ។
រដ្ឋាភិបាលក្រុងម៉ានីល បានប្រកាសភាពអាសន្នថ្នាក់ជាតិ ហើយក្តីអស់សង្ឃឹម កំពុងតែកើនឡើង នៅភាគកណ្តាលហ្វីលីពីន ដែលសាកសពដ៏ច្រើនរាប់មិនអស់នៅ ចោលរាយប៉ាយពេញដីដែលគេទុក ចោល ៥ថ្ងៃបន្ទាប់ពីមហាព្យុះទី ហ្វុងហៃយ៉ានបំផិ្លចបំផ្លាញ។
ទាហាន ម៉ារីនអាមេរិក បានចូលរួមក្នុងកិច្ចប្រឹងប្រែងដ៏វីវក់ និងជួយអ្នកនៅរស់ដែលស្រេកឃ្លាន ដោយពង្រាយទៅកាន់តំបន់មួយ ដែលទីប្រជុំជនទាំងអស់ ត្រូវបានបំផ្លិចបំផ្លាញរាបស្មើនឹងដី និងសហគមន៍ទាំងឡាយ ដែលគ្មានស្បៀងអាហារ ទឹក និងថ្នាំពេទ្យ។
មន្ត្រីមនុស្សធម៌ អ.ស.ប. កំពូល លោក John Ging បាននិយាយ ថា៖ «យើងពិតជាកំពុងរំពឹងពីស្ថានភាពអាក្រក់បំផុត។ ខណៈយើង បានចូលដល់កាន់តែច្រើនឡើងៗ យើងបានរកឃើញសោកនាដកម្មនៃមនុស្សកាន់តែច្រើនឡើង បានស្លាប់នៅក្នុងព្យុះទីហ្វុងនេះ»។
លោកមិនអាចផ្តល់ឲ្យនូវ ចំនួន អ្នកស្លាប់ប៉ាន់ស្មានពីមហន្ត រាយនេះទេ ដោយប្រាប់សន្និសីទកាសែតនៅឯទីស្នាក់ ការអ.ស.ប. ថា៖ «ពេលនេះ វាមានប្រមាណជាជាង១ម៉ឺននាក់ ត្រូវបានសម្លាប់»។
នៅក្នុងសេចក្តីថ្លែងការណ៍មួយ ប្រមុខមនុស្សធម៌អ.ស.ប. លោក Valerie Amos បាននិយាយថា៖ «ក្រុមមន្ត្រីក្នុងតំបន់ ប៉ាន់ស្មានថា មនុស្សប្រមាណ១ម៉ឺននាក់ ត្រូវបានសម្លាប់នៅក្នុងក្រុងមួយគត់» ដោយសំដៅចំពោះក្រុងតាក្លូបាន នៃខេត្តកោះឡីតេភាគខាងកើត។
កាលពីថ្ងៃអង្គារ អ.ស.ប. បានអំពាវនាវរកជំនួយអន្តរជាតិដ៏ សំខាន់សម្រាប់ជនរងគ្រោះ។
ការ ដោះបន្ទុក មិនបានមកដល់ ភ្លាមៗល្មមសម្រាប់អ្នកស្រី Joan Lumbre-Wilson អាយុ ៥៤ឆ្នាំ ដែលស្ថិតក្នុងចំណោមហ្វូងមនុស្ស ដ៏ធំសម្បើម ដែលបានប្រមូលផ្តុំនៅ ជុំវិញមជ្ឈមណ្ឌលសង្គ្រោះមួយ ក្នុង ចំណោមមណ្ឌលសង្គ្រោះខ្លះនៅក្នុងក្រុងតាក្លូបានដែលត្រូវបំផ្លាញ។
អ្នកស្រីបាននិយាយថា៖ «យើងចង់បានកងពលតូចដែលបានរៀបចំ និងសម្របសម្រួលដើម្បីប្រមូលសាកសព នាំយកមកនូវស្បៀងអាហារ និងបញ្ចប់ការលួចប្លន់។ រយៈពេល៤ថ្ងៃមកហើយ។ យើងចង់បានទឹក និងស្បៀងអាហារ។ យើងចង់បានអ្នកដែលជួយ។ យើង បានខ្សោះខាងផ្លូវចិត្ត និងនឿយហត់ខាងកម្លាំងកាយ។ មានទារក និងកុមារជាច្រើន ដែលត្រូវការ ការយកចិត្តទុកដាក់»។
ប្រធានាធិបតីហ្វីលីពីន លោក បេនីកណូ អាគីណូ កាលពីរាត្រី ថ្ងៃចន្ទ បានប្រកាសដាក់រដ្ឋស្ថិតក្នុងវិបត្តិភ័យ ដែលអនុញ្ញាតឲ្យរដ្ឋាភិបាលដាក់ចេញនូវការគ្រប់គ្រងតម្លៃ និងបញ្ចេញមូលនិធិគ្រា អាសន្នជាបន្ទាន់។
នៅក្នុងសុន្ទរកថាផ្សាយតាមទូរទស្សន៍ លោកបានថ្លែងថា៖ «ក្នុង ប៉ុន្មានថ្ងៃខាងមុខ គេត្រូវធានាថា ជំនួយនឹងទៅដល់អ្នកកាន់តែរហ័សឡើងៗ»។
លោកបាន សង្កត់ធ្ងន់ថា៖ «ការ អំពាវនាវរបស់ខ្ញុំចំពោះអ្នកគ្រប់គ្នាគឺការរក្សាភាពស្ងប់ស្ងាត់ សូត្រធម៌ការសហការ និងជួយគ្នាទៅវិញ ទៅមក គឺជាអ្វីដែលនឹងជួយយើងងើបចេញពីវិបត្តិភ័យនេះ»។
ព្យុះហៃយ៉ាន បានបង្កើតរលកកម្ពស់រហូតដល់៥ម៉ែត្រ ដែលបានឡើងមកដល់លើដីគោកដូចជារលកយក្សស៊ូណាមិ។ ជញ្ជាំង ធារទឹកនោះ បានបំផ្លាញស្ទើរតែអ្វីៗគ្រប់យ៉ាងនៅក្នុងផ្លូវរបស់វា លើបណ្តោយ នៃតំបន់ដ៏ធំទូលាយនៃឆ្នេរសមុទ្រទូទាំងផ្នែកកណ្តាល នៃប្រជុំកោះ។
ក្រុម អាជ្ញាធរហ្វីលីពីន ត្រូវបាន គ្របដណ្តប់ដោយកិច្ចខិតខំដើម្បី ផ្តល់ជំនួយឲ្យបានរហ័ស ដែលត្រូវបានរំខានដោយការបំផ្លាញព្រលានយន្តហោះ ផ្លូវថ្នល់ ស្ពាន និងហេដ្ឋារចនាសម្ព័ន្ធជាច្រើនទៀត។
តំបន់ជាច្រើន នៅតែត្រូវបានកាត់ផ្តាច់ពីកិច្ចប្រឹងប្រែងសង្គ្រោះ ដោយទុកឲ្យសាកសពស្អុយរលួយ ក្នុងបរិយាកាសសើម និងអ្នកនៅរស់នូវជម្រើសតិចតួច ដោយការ កកាយគំនរបាក់បែកដើម្បីស្វែងរក អាហារ ទឹក និងសម្ភារចាំបាច់ជាច្រើនទៀត។
សូម្បីតែនៅតាក្លូបាន ដែលជា មូលដ្ឋានមណ្ឌលសង្គ្រោះ ក៏សាកសពនៅតែរាយប៉ាយពាសពេញ ផ្លូវថ្នល់ផងដែរ៕ IN
ប្រភពៈ ភ្នំពេញប៉ុសិ៍្ត
No comments:
Post a Comment