ខេត្ដបន្ទាយមានជ័យ ៖ ប្រជាពលរដ្ឋ រស់នៅភូមិ សាមគ្គឺមានជ័យ
សង្កាត់-ក្រុងប៉ោយប៉ែត៤៥គ្រួសារបានធ្វើដំណើរ
មកជួបជុំគ្នានៅមុខសាលាខេត្ដបន្ទាយ
មានជ័យដើម្បីលើកបដាសុំការជួយអន្ដរាគមន៍ពីអភិបាលខេត្ដឱ្យពួក
គាត់មាន
សិទ្ធិកាន់កាប់ប្លង់ដីនិងរស់នៅលើដីស្របច្បាប់គ្រាដែលមានការ
គំរាមកំហែងពី
បុគ្គលសមត្ថកិច្ចម្នាក់ដែលរារាំងមិនឱ្យពួកគាត់ធ្វើប្លង់ដី
ស្របច្បាប់លើដីដែលពួកគាត់កំពុងរស់នៅច្រើនឆ្នាំមកហើយនោះ ។ ការមកប្រមូលផ្ដុំ គ្នាសុំការជួយ
អន្ដរាគមន៍ពីអភិបាលខេត្ដពីសំណាក់បងប្អូនប្រជាពលរដ្ឋ៤៥គ្រួសារនោះ
គឺបាន ធ្វើឡើងកាលពីព្រឹកថ្ងៃទី២៨ ខែវិច្ឆិកា ឆ្នាំ២០១៣ ។
គេមិនឃើញមានវត្ដមាន អភិបាលខេត្ដថ្មីលោក គោស៊ុំ សារឿត
ចេញមកជួបប្រជាពលរដ្ឋនោះទេគឺគេ ឃើញមានវត្ដមានលោក អោម ចាន់ថា
នាយករដ្ឋបាលសាលាខេត្ដចេញមក ទទួលសំណូមពរពីប្រជាពលរដ្ឋដើម្បីយក
ទៅពិនិត្យនិងដោះស្រាយ ។តាមប្រភពព័ត៌មានពីតំណាង ប្រជាពលរដ្ឋបានប្រាប់ឱ្យដឹងថា ដីធ្លីពួកគាត់ រស់នៅហើយសុំសិទ្ធិកាន់កាប់ស្របច្បាប់ នេះជាប្រភេទដីឡូត៍ដែលពួកគាត់បាន កាប់ឆ្ការព្រៃចាប់តាំងពីឆ្នាំ១៩៩៥មក ម្ល៉េះ លុះមកដល់ឆ្នាំ២០១១ ស្រាប់តែ មានបញ្ហាទំនាស់ជាមួយនឹងឈ្មោះ ស៊ូ សុវណ្ណរិទ្ធ ហៅទ្រី ចេញមុខហាមឃាត់ មិនឱ្យពួកគាត់ធ្វើប្លង់ដីកាន់កាប់បាន ឡើយ ហើយថែមទាំងបម្រុងដេញពួក គាត់ចេញពីដីនោះទៀតផង ។ កន្លងមក ប្រជាពលរដ្ឋរស់នៅភូមិព្រិចនិងភូមិ សាមគ្គឺមានជ័យដែលមានទំនាស់ដូច គ្នាសរុប៥៨៩គ្រួសាររួមនឹងពួកគាត់ ៤៥គ្រួសារផងដែរ។ពួកគេខ្លះត្រូវបាន សមត្ថកិច្ចជំនាញនិងអាជ្ញាធរធ្វើប្លង់ឱ្យ កាន់កាប់ស្របច្បាប់ចំណែកពួកគាត់ ៤៥គ្រួសារមិនត្រូវអាជ្ញាធរធ្វើប្លង់ឱ្យនោះទេ ។ មិនតែប៉ុណ្ណោះឈ្មោះ ស៊ូ សុវណ្ណរិទ្ធ ហៅទ្រី បានទារប្រាក់ពីពួកគាត់ក្នុងមួយ គ្រួសារ១ពាន់ដុល្លារប្រសិនមិនឱ្យប្រាក់តាមការទាមទារនេះទេគឺ ពួកគាត់មិន អាចធ្វើប្លង់បានឡើយ ។
លោក អោម ចាន់ថា នាយករដ្ឋបាល សាលាខេត្ដបានប្រាប់ឱ្យដឹងថា ករណី ប្រជាពលរដ្ឋមកប្រមូលផ្ដុំនៅមុខសាលា ខេត្ដឱ្យជួយដោះស្រាយពីរឿងដីធ្លីនេះគឺ ខាងខេត្ដកំពុងតែចាត់ការរួចហើយៗ លោកមិនទាន់ឆ្លើយបំភ្លឺឱ្យបានក្បោះក្បាយ បានទេដោយលោកកំពុងតែជាប់ប្រជុំ ។
លោក ស៊ូ សុវណ្ណរិទ្ធ ហៅទ្រី បានប្រាប់ អ្នកយកព័ត៌មានតាមទូរស័ព្ទកាលពី ព្រឹកថ្ងៃទី២៨ ខែវិច្ឆិកា ឆ្នាំ២០១៣ បំភ្លឺ ជុំវិញបញ្ហានេះថា លោកមិនបានទៅ យកដីនិងយកប្រាក់ពីប្រជាពលរដ្ឋនោះ ទេគឺមានតែប្រជាពលរដ្ឋទេលួចដីនិង ប្ដឹងគាត់ទៀត ។ លោកបញ្ជាក់ថា កន្លង មកមានប្រជាពលរដ្ឋខ្លះបានសុំលោក សម្រុះសម្រួលចង់បានដីពីលោកកាន់ កាប់ហើយបច្ចុប្បន្ននេះលោកកាន់កាប់ដីធ្លីទំហំ១០០ម៉ែត្រគុណនឹង៤៥០ ម៉ែត្រអនុវត្ដតាមសាលក្រមរបស់តុលាការ ដែលបានសម្រេចឱ្យលោកឈ្នះក្ដី ហើយ លោកនឹងចូលរួមដោះស្រាយប្រសិនខាងសាលាខេត្ដកោះហៅ ។
ពាក់ព័ន្ធនឹងការចោទប្រកាន់ទៅវិញ ទៅមកពីសំណាក់ប្រជាពលរដ្ឋនិងលោកស៊ូ សុវណ្ណរិទ្ធ ហៅទ្រី គេរង់ចាំមើលថា តើសាលាខេត្ដបន្ទាយមានជ័យនឹងរកវិធី យ៉ាងដូចម្ដេចដើម្បីដោះស្រាយបញ្ហា ទំនាស់រវាងភាគីទាំង២នេះ ៕
No comments:
Post a Comment