ខេត្តបន្ទាយមានជ័យ ៖ ជនសង្ស័យ ប្រុសស្រី៨នាក់ក្នុងនោះ មានតារាចម្រៀង មិនសូវល្បីឈ្មោះម្នាក់ ប្រចាំផលិតកម្ម FIVESTAR
និងប្រព្រឹត្តបទល្មើស គ្រឿងញៀន ត្រូវបាននគរបាលការិយាល័យ
ប្រឆាំងគ្រឿងញៀន ខេត្តសហការជាមួយនគរបាលក្រុងសិរីសោភ័ណបង្ក្រាប
ចាប់ឃាត់ខ្លួនបញ្ជូនមកកាន់ស្នងកាន់ដ្ឋាននគរបាលខេត្តបន្ទាយមានជ័យ
កាលពីវេលាម៉ោង ៥និង២០នាទីល្ងាចថ្ងៃទី២៨ ខែវិច្ឆិកាឆ្នាំ២០១៣
នៅចំណុច ក្នុងបន្ទប់ផ្ទះសំណាក់ គោរដ្ឋាន ស្ថិតនៅភូមិគោរដ្ឋាន
សង្កាត់អូរអំបិល ក្រុងសិរីសោភ័ណដើម្បីយក មកសាកសួរនិង
ចាត់ចែងតាមនីតិវិធីច្បាប់ ។
លោកវរសេនីយ៍ត្រី ធិន ស៊ិនដេត នាយការិយាល័យនគរបាលប្រឆាំង គ្រឿងញៀន ខេត្តបានប្រាប់ឲ្យដឹងថា៖ការចេញបង្ក្រាបចាប់ឃាត់ខ្លួនទៅលើ ជនសង្ស័យខាងលើគឺសមត្តកិច្ចធ្វើឡើងបន្ទាប់ពីមានការសហការពី ម្ចាស់ផ្ទះសំណាក់រាយការណ៍មកសមត្តកិច្ចដោយសង្ស័យ ពួកគេទាំងនោះនាំគ្នាជួលបន្ទប់ហើយធ្វើសកម្មភាពប្រើប្រាស់និង ជួញដូរគ្រឿងញៀន ។ ក្រោយពីទទួលដំណឹងពីម្ចាស់ផ្ទះសំណាក់រួចមកសមត្តកិច្ចក៏ចុះទៅ ដល់ចំណុចផ្ទះសំណាក់ខាងលើ ហើយឆ្មក់ចូលក្នុងបន្ទប់ជួលក៏ឃើញជនសង្ស័យទាំង៨នាក់កំពុងតែធ្វើ សកម្មភាព ក្នុងនោះសមត្តកិច្ចក៏ចាប់ឃាត់ខ្លួនពួកគេ និងឆែកឆេររកឃើញដកហូតបានថ្នាំញៀនមេ តំហ្វេតាមីនម៉ាទឺកកក២កូនថង់តូចស្មើនឹង១ក្រាម រួមនិឧបករណ៍ប្រើប្រាស់ គ្រឿងញៀនមួយចំនួនទៀតផង។
លោកនាយការិយាល័យបានបន្តឲ្យដឹង ទៀថា ជនសង្ស័យទាំង៨នាក់ឈ្មោះ ១-ហង្ស សុវណ្ណារ៉ា ហៅតក់ ភេទប្រុស អាយុ២៧ឆ្នាំ ប្រកបមុខរបរជាអ្នកចម្រៀងប្រចាំផលិតកម្មFIVE STAR រាជធានីភ្នំពេញ មានលំនៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ជាប់ចោទពីបទជួញដូរគ្រឿងញៀន, ២-ណី អក្ខរា ភេទប្រុសអាយុ២១ឆ្នាំ ប្រកមុខរបរ សិស្សថ្នាក់ទី១២ រៀននៅវិទ្យាល័យសម្តេចឳ រស់នៅភូមិ៣ សង្កាត់ព្រះពន្លា ក្រុង សិរីសោភ័ណ, ៣-ស៊ុំ សាវ៉ាត ភេទប្រុសអាយុ២៧ឆ្នាំ ប្រកបមុខរបររត់ម៉ូតូឌុប រស់នៅភូមិ គោរដ្ឋាន សង្កាត់អូរអំបិល ក្រុងសិរីសោភ័ណ, ៤-ស៊ិន ស្រីភ័ណ្ឌ ភេទស្រី អាយុ២១ឆ្នាំ ប្រកបមុខរបរសំអាងការ បច្ចុប្បន្នស្នាក់នៅផ្ទះជួល ក្នុងសង្កាត់អូរអំបិល, ៥-សិត ប៊ុននី ភេទស្រី អាយុ២៣ឆ្នាំ ប្រកបមុខរបរមិនពិតប្រាកដ រស់នៅភូមិ៣សង្កាត់ព្រះពន្លា ក្រុងសិរីសោភ័ណ, ៦-អេត មិះ ភេទប្រុស អាយុ៣៤ឆ្នាំ ប្រកបមុខរបរមិនពិតប្រាកដ រស់នៅភូមិប៉ោយតាច្រឹង ឃុំចង្ហា ស្រុកអូរជ្រៅ, ៧-ឆាង ប្រលិត ភេទប្រុសអាយុ២២ឆ្នាំ ប្រកបមុខរបរអ្នករត់តាក់ស៊ី រស់នៅភូមិចង្ហា ឃុំចង្ហា ស្រុកអូរជ្រៅ និង៨-ជូ ប៊ុនធៀម ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិភ្នំបាក់ សង្កាត់ទឹកថ្លា ក្រុងសិរីសោភ័ណ ជនសង្ស័យ ទាំង៧នាក់នេះជាប់ចោទពីបទប្រើ ប្រាស់គ្រឿងញៀន។
ផ្អែកតាមចម្លើយសារភាពរបស់ ជនសង្ស័យនិងសមត្តកិច្ចបង្ក្រាបបានជាក់ស្តែងជនសង្ស័យទាំង៨នាក់ សមត្តកិច្ចជំនាញបានកសាងសំណុំរឿងបញ្ជូនខ្លួនរួមនិងវត្ថុតាងទៅ កាន់សាលាដំបូង ខេត្តដើម្បីយកទៅចាត់ការតាមផ្លូវច្បាប់ ៕
No comments:
Post a Comment