ភ្នំពេញ
៖ មន្ត្រីដោះស្រាយវិវាទបានអោយដឹងថា នៅវេលាម៉ោង៩ព្រឹក ថ្ងៃទី២១
ខែវិច្ឆិកា ឆ្នាំ២០១៣
នេះនឹងមានកិច្ចប្រជុំមួយនៅក្រសួងការងារដើម្បីដោះស្រាយបញ្ហា
បញ្ចប់វិវាទនៅរោងចក្រSL ដែល បានអូសបន្លាយមកជាយូរមកហើយ
ដែលកិច្ចប្រជុំនេះគ្រោងនឹងរៀបចំឡើងក្រោយពីមានសេចក្តី
សម្រេចរបស់គណៈរដ្ឋមន្ត្រីកាលពីថ្ងៃទី១៥ ខែវិច្ឆិកា
កន្លងទៅថ្មីៗនេះទាក់ទងនឹងវិវាទនៅរោងចក្រ ខាងលើនេះ។ លោក ប្រាក់ ចាន់ធឿន រដ្ឋលេខាធិការក្រសួងសង្គមកិច្ច និង ជាប្រធានគណៈកម្មការដោះ ស្រាយបាតុកម្ម កូដកម្មគ្រប់មុខសញ្ញា (ក្រុមការងារទី៨) បានថ្លែងប្រាប់កម្ពុជាថ្មីកាលពីរសៀលថ្ងៃទី ២០ ខែវិច្ឆិកាថា កិច្ចប្រជុំនេះធ្វើឡើងជាមួយនិយោជកតំណាងអោយរោងចក្រSL ដើម្បីដោះស្រាយ បញ្ហា ហើយនឹងពិភាក្សាទៅលើចំណុចដែលសេសសល់មួយគឺជម្រុញអោយទទួលយកតំណាង កម្មករ ចំនួន១៩នាក់ចូលធ្វើការវិញ ដោយកំណត់រយៈពេលយ៉ាងយូរ១៥ថ្ងៃចាប់ពីទទួលលិខិត ស.ជ.ណ របស់គណៈរដ្ឋមន្ត្រី។ ទាក់ទងទៅនឹងបញ្ហាមួយទៀតរឿងលោក មាស សុត្ថា ដែលបានសម្រេចអោយដកខ្លួនចេញ នោះ លោក ប្រាក់ ចាន់ធឿន បានបញ្ជាក់ថា មិនមែនមានន័យថាមិនមែនអោយដកខ្លួនចេញពីភាគ ហ៊ុននោះទេ ពីព្រោះមិនមានច្បាប់ណាដែលតម្រូវអោយគាត់ដកខ្លួនចេញពីភាគហ៊ុននោះ ឡើយ។ ដោយសារគាត់មានភាគហ៊ុននៅក្នុងក្រុមហ៊ុននោះ ប៉ុន្តែគ្រាន់តែអោយដកខ្លួនចេញពីរោងចក្រនោះតែ ប៉ុណ្ណោះ ហើយចំពោះប្រាក់ចំណេញពីក្រុមហ៊ុននៅក្នុងដំណើរការរកស៊ីនោះគឺអាច ទទួលបានជា ធម្មតា។ លោកបញ្ជាក់ថា លោក មាស សុត្ថា គាត់មានភាគហ៊ុនហើយបានចាត់ចែងការងារទាំងឡាយនៅក្នុងក្រុមហ៊ុនដែល មានការប៉ះទង្គិចគ្នាដែលឈានទៅដល់ការធ្វើបាតុកម្មនោះ ហើយនៅពេលកើត មានបញ្ហាបាតុកម្មមិនបានដោះស្រាយអោយចប់ ដូច្នេះទើបក្រសួង ក៏ដូចជារដ្ឋាភិបាលសុំអោយគាត់ ដកខ្លួនចេញ ប៉ុន្តែមិនបានអោយដកភាគហ៊ុននោះទេ។
សូមបញ្ជាក់ថា រហូតមកដល់ព្រឹកថ្ងៃទី២០ ខែវិច្ឆិកា ឆ្នាំ២០១៣ កម្មករមួយចំនួននៅតែបន្តធ្វើ កូដកម្មដោយបិទផ្លូវដដែល បើទោះបីជាមានការសម្រេចផ្សេងៗពីក្រសួង ឬគណៈរដ្ឋមន្ត្រីក៏ដោយ ដើម្បីទាមទារនូវអ្វីដែលពួកគេចង់បាន ហើយបើតាមលោក អាត ធុន បានបញ្ជាក់ប្រាប់កម្ពុជាថ្មីថា ពួកគេនៅតែបន្តធ្វើកូដកម្មដើម្បីទាមទារលើចំណុចដែលបានឯកភាពគ្នា តែមិនទាន់បានចុះកិច្ចព្រម ព្រៀង ទើបចុងក្រោយនេះពួកគេបន្តធ្វើកូដកម្មរង់ចាំការដោះស្រាយពីក្រសួង ការងារ។ ដោយសារតែមានការធ្វើកូដកម្មអូសបន្លាយប្រមាណរយៈពេល៣ខែមកហើយនោះ កាលពីថ្ងៃ ទី១៣ ខែវិច្ឆិកា ឆ្នាំ២០១៣ គឺបន្ទាប់ពីការប៉ះទង្គិចគ្នារវាងសមត្ថកិច្ច និង បាតុករនៅស្ទឹងមានជ័យ ក្រុមការងារដោះស្រាយវិវាទបានជួបប្រជុំគ្នាដោះស្រាយម្តងទៀតដោយបាន ឯកភាពគ្នា៦ចំណុច ហើយនៅសល់ចំណុចប៉ុន្មានដែលមិនទាន់ឯកភាពនឹងបន្តដោះស្រាយនៅ ថ្ងៃក្រោយ។ ចំណុចដែល បានឯកភាពទាំង៦នោះគឺ ទី១.ករណីលោក មាស សុត្ថា ភាគីទាំងពីរទុកអោយក្រសួងការងារធ្វើការ បន្តជាមួយលោក មាស សុត្ថា ដោយផ្ទាល់ដើម្បីសុំអោយគាត់ធ្វើលិខិតជាលាយលក្ខអក្សរថាគាត់នឹង ដកខ្លួនចេញ។ ទី២. ភាគីទាំងពីរបានឯកភាពគ្នាអោយរក្សាទុកកម្លាំងសមត្ថកិច្ចការពារ សណ្តាប់ធ្នាប់នៅរោង ចក្រដែលបានដាក់ប្រចាំការកន្លងមករហូតដល់មានការដោះស្រាយចប់។ ទី៣. ចំពោះបញ្ហាវេនធ្វើការ ភាគីក្រុមហ៊ុនបានឯកភាពគ្នាថានឹងរៀបចំជា៣វេនតាមការស្ម័គ្រចិត្ត របស់កម្មករ។ ទី៤. ការដកពាក្យបណ្តឹងពីតុលាការគឺក្រសួងស្នើសុំអោយភាគីផ្អាក ប្តឹងផ្តល់គ្នា ហើយភាគីទាំងពីរក៏បានយល់ព្រមចំ ពោះការស្នើសុំនេះ ប៉ុន្តែក្នុងករណីដែលសហជីពកម្មករនិយោជិតបន្តធ្វើកូដកម្មដោយខុស នីតិវិធីច្បាប់ ភាគីនិយោជកនឹងបន្តពាក្យបណ្តឹងឡើងវិញ។ ទី៥. កម្មករដែលមិនទាន់បានបើកប្រាក់ឈ្នួលសម្រាប់ ខែសីហា និង ខែកញ្ញា កន្លងមក អាចទៅបើកប្រាក់ឈ្នួលនៅក្រុមហ៊ុនបានគ្រប់ពេល និង ទី៦. ភាគី កម្មករនិយោជិតសុខចិត្តទទួលយកប្រាក់ចំនួន៥០ភាគរយនៃប្រាក់ឈ្នួល និង ប្រាក់បន្ទាប់បន្សំក្នុង អំឡុងពេលធ្វើបាតុកម្មដែលសរុបប្រមាណជិត១លានដុល្លារ។
ទាក់ទងនឹងចំណុចដែលមិនឯកភាពគ្នាកាលពីថ្ងៃទី១៥ ខែវិច្ឆិកា ឆ្នាំ២០១៣ ទីស្តីការគណៈរដ្ឋមន្ត្រីបានចេញសេចក្តីសម្រេចចំនួន៥ចំណុចគឺ ទី១. បញ្ជាអោយក្រុមហ៊ុនទទួលយកតំណាងកម្មករ ចំនួន១៩នាក់អោយចូលធ្វើការវិញដើម្បីបញ្ចប់វិវាទ ទី២. ក្នុងករណីក្រុមហ៊ុននៅតែរឹងរូសត្រូវចាត់ វិធានការតាមនីតិវិធីតុលាការ ទី៣. ត្រូវបន្តការសម្របសម្រួលរវាងភាគីទាំងពីរបន្តទៀតដោយ សហការជាមួយដៃគូពាក់ព័ន្ធ ទី៤. កម្លាំងសមត្ថកិច្ចរាជធានីភ្នំពេញត្រូវបន្តរក្សាសន្តិសុខ និង សណ្តាប់ធ្នាប់នៅរោងចក្រSL អោយបានល្អ និង ទី៥. ក្នុងករណីដែលក្រុមហ៊ុននឹងប្រឈមនឹងការដួលរលំជាយថាហេតុក្រុមហ៊ុន ត្រូវអនុវត្តកាតព្វកិច្ចច្បាប់ជាធរមានក្នុងការដោះស្រាយ អត្ថប្រយោជន៍ផ្សេងៗ ជូនកម្មករនិយោជិតតាមគោលការណ៍ដែលមានស្រាប់៕
No comments:
Post a Comment