ខេត្ដតាកែវ៖
ការចរចាគ្នា រវាងតំណាងកម្មករ-កម្មការិនី និងថៅកែរោងចក្រកាត់ដេរ
សម្លៀកបំពាក់ពេទ្យ ដែលមានទីតាំង ស្ថិតនៅភូមិរូង ឃុំលំចង់
ស្រុកសំរោង កាលពីថ្ងៃទី១៤ ធ្នូ កន្លងទៅ
ហាក់ពុំទទួលបានលទ្ធផល វិជ្ជមានណាមួយនោះទេ
ខណៈដែលពួកគេបាននាំគ្នាបិទផ្លូវជាតិលេខ២
ធ្វើឱ្យកកស្ទះចរាចរណ៍
តែក្រោមការសម្របសម្រួល ពីអាជ្ញាធរស្រុក-ខេត្ដ
ទើបនៅម៉ោង១និង២០នាទីរសៀល ថ្ងៃដដែល
កម្មករ-កម្មការិនី រោងចក្របានឯកភាព បើកផ្លូវឱ្យធ្វើចរាចរណ៍ជា
ធម្មតាវិញ បន្ទាប់ពីបិទផ្លូវជាតិលេខ២អស់រយៈពេលប្រមាណ៥ម៉ោង ។
ប្រភពព័ត៌មានពីតំណាងកម្មករ-កម្មការិនីបានរៀប
រាប់ថា មានកម្មករជាង៣០០នាក់បានចោទថៅកែរោងចក្រថា
បានរំលោភសិទ្ធិការងាររបស់កម្មករ-កម្មការិនីដោយគេចង់ដក
ឬដេញចេញស្រេចតែអំពើចិត្ដ
ហើយបានកេងប្រវ័ញ្ចញើសឈាមកម្លាំងពលកម្មរបស់កម្មការ-កម្មារិនី
ទើបនៅថ្ងៃទី១៤ ធ្នូ បាននាំគ្នាធ្វើកូដកម្មអត់ចូលធ្វើការ
និងបិទផ្លូវជាតិលេខ២ ដើម្បីស្វែងរកដំណោះស្រាយ ។
តំណាងកម្មករ-កម្មការិនីឱ្យដឹងទៀតថា
ចំពោះលក្ខខណ្ឌការងារដែលពួកគេបានទាមទារឱ្យថៅកែរោងចក្រអនុវត្ដ
នោះមានចំនួន១៤ចំណុចគឺ ៖
១-សុំឱ្យក្រុមហ៊ុនផ្ដល់លុយបាយថ្ងៃត្រង់ចំនួន១០ដុល្លារក្នុងមួយខែ
២-កុំឱ្យក្រុមហ៊ុនកាត់លុយធ្វើដំណើរនៅពេលកម្មករសុំច្បាប់
៣-កុំឱ្យក្រុមហ៊ុនកាត់លុយព្រីមសមាមាត្រ
៤-សូមឱ្យក្រុមហ៊ុនបើកលុយថ្លៃបាយក្នុង១អាទិត្យម្ដង
៥-នៅពេលកម្មករធ្វើការបាន៣ខែ ខាងក្រុមហ៊ុនបន្ដកិច្ចសន្យាពេញសិទ្ធិក្នុងការងារ ។
៦-ក្រុមហ៊ុនត្រូវបើកប្រាក់ខែឱ្យអស់នៅម៉ោង៤ល្ងាច ព្រោះកន្លងមកបើកលុយឱ្យកម្មករយឺតយ៉ាវណាស់
៧-ក្រុមហ៊ុនត្រូវដំឡើងប្រាក់ខែធ្វើដំណើរ៣ដុល្លារបន្ថែមទៀត
៨-សូមក្រុមហ៊ុនបញ្ចុះចំនួនដែលក្រុមហ៊ុនបានកំណត់រួចមក
៩- ពេលកម្មករ-កម្មការិនីអូសកាតហើយ មិនជាប់ សូមក្រុមហ៊ុនមេត្ដាជួយសម្រួលនិងធ្វើតារាងវត្ដមានតាមក្រុមហ៊ុន ទាំងអស់
១០-សូមឱ្យក្រុមហ៊ុនមានបន្ទប់សម្រាកព្យាបាលឱ្យបានត្រឹមត្រូវ ហើយមានគ្រូពេទ្យនៅប្រចាំក្នុងរោងចក្រ
១១-សូមឱ្យក្រុមហ៊ុនមានគ្រូពេទ្យប្រចាំការក្នុង១ថ្ងៃ២ម៉ោង
១២-សូមក្រុមហ៊ុនជួយសម្រួលដល់ការសុំច្បាប់នៅពេលមានធុរៈផ្សេងៗរបស់កម្មករ-កម្មការិនី និងមិនត្រូវកាត់លុយឡើយ
១៣-ពេលកម្មករ-កម្មការិនីមានជំងឺនិងមានសំបុត្រពេទ្យ ក្រុមហ៊ុនមិនត្រូវរើសអើងទេ
១៤- នៅពេលកម្មករ-កម្មការិនីធ្វើកូដកម្មខាងរោងចក្រមិនត្រូវកាត់លុយ អ្វីទាំងអស់ ។
២-កុំឱ្យក្រុមហ៊ុនកាត់លុយធ្វើដំណើរនៅពេលកម្មករសុំច្បាប់
៣-កុំឱ្យក្រុមហ៊ុនកាត់លុយព្រីមសមាមាត្រ
៤-សូមឱ្យក្រុមហ៊ុនបើកលុយថ្លៃបាយក្នុង១អាទិត្យម្ដង
៥-នៅពេលកម្មករធ្វើការបាន៣ខែ ខាងក្រុមហ៊ុនបន្ដកិច្ចសន្យាពេញសិទ្ធិក្នុងការងារ ។
៦-ក្រុមហ៊ុនត្រូវបើកប្រាក់ខែឱ្យអស់នៅម៉ោង៤ល្ងាច ព្រោះកន្លងមកបើកលុយឱ្យកម្មករយឺតយ៉ាវណាស់
៧-ក្រុមហ៊ុនត្រូវដំឡើងប្រាក់ខែធ្វើដំណើរ៣ដុល្លារបន្ថែមទៀត
៨-សូមក្រុមហ៊ុនបញ្ចុះចំនួនដែលក្រុមហ៊ុនបានកំណត់រួចមក
៩- ពេលកម្មករ-កម្មការិនីអូសកាតហើយ មិនជាប់ សូមក្រុមហ៊ុនមេត្ដាជួយសម្រួលនិងធ្វើតារាងវត្ដមានតាមក្រុមហ៊ុន ទាំងអស់
១០-សូមឱ្យក្រុមហ៊ុនមានបន្ទប់សម្រាកព្យាបាលឱ្យបានត្រឹមត្រូវ ហើយមានគ្រូពេទ្យនៅប្រចាំក្នុងរោងចក្រ
១១-សូមឱ្យក្រុមហ៊ុនមានគ្រូពេទ្យប្រចាំការក្នុង១ថ្ងៃ២ម៉ោង
១២-សូមក្រុមហ៊ុនជួយសម្រួលដល់ការសុំច្បាប់នៅពេលមានធុរៈផ្សេងៗរបស់កម្មករ-កម្មការិនី និងមិនត្រូវកាត់លុយឡើយ
១៣-ពេលកម្មករ-កម្មការិនីមានជំងឺនិងមានសំបុត្រពេទ្យ ក្រុមហ៊ុនមិនត្រូវរើសអើងទេ
១៤- នៅពេលកម្មករ-កម្មការិនីធ្វើកូដកម្មខាងរោងចក្រមិនត្រូវកាត់លុយ អ្វីទាំងអស់ ។
បើសិនលក្ខខណ្ឌងាយៗទាំងអស់នេះខាងរោងចក្រមិនទទួលយកទេនោះ
យើងនឹងបន្ដធ្វើកូដកម្មអត់ចូលធ្វើការនិងបិទផ្លូវជាតិលេខ២បន្ដ
ទៀតនៅថ្ងៃទី១៦ ធ្នូ ។
លោក ញ៉ែម ស្រស់
អភិបាលស្រុកសំរោងបានឱ្យដឹងតាមទូរស័ព្ទថា
បន្ទាប់ពីខាងកម្មករ-កម្មការិនីរោងចក្រកាត់ដេរសម្លៀកបំពាក់ពេទ្យ
បានធ្វើកូដកម្មបិទផ្លូវជាតិលេខ២
ធ្វើឱ្យកកស្ទះចរាចរណ៍ដល់អ្នកធ្វើដំណើរទៅមកមិនរួចនោះ លោក
ស្រី បេន
អភិបាលខេត្ដបានបញ្ជាមកលោកត្រូវធ្វើយ៉ាងណាសម្របសម្រួលរវាង
កម្មករនិងថៅកែរោងចក្រឱ្យបានចប់សព្វគ្រប់
ចៀសវាងការរាលដាលកាន់តែធំទៅៗ
ហើយលោកក៏បានចុះទៅសម្របសម្រួលដោយមានតំណាងកម្មករ
អាជ្ញាធរស្រុក តំណាងថៅកែរោងចក្រនិងលោក យស់ ណាលី អភិបាលរងខេត្ដ
តែអត់ទទួលបានលទ្ធផលអ្វីទេ នៅថ្ងៃទី១៤ ធ្នូនោះ
តែកម្មករ-កម្មការិនីទាំងអស់បានឯកភាពបើកផ្លូវជាតិលេខ២
ឱ្យធ្វើចរាចរណ៍វិញនៅម៉ោង១និង២០នាទីរសៀល ។
ទោះបីជាបែបណា
តំណាងកម្មករ-កម្មការិនីបានព្រមានថា
ការសម្របសម្រួលដោយមានអាជ្ញាធរខេត្ដ-ស្រុកមកជួបបែបណា
ក៏អត់់មានន័យដែរ ។ ចំណែកមន្ទីរការងារ
និងបណ្ដុះបណ្ដាលវិជ្ជាជីវៈដែលជាអ្នកមើលការខុសត្រូវចំពោះកម្មករ
នោះ អត់ឃើញមកជួយដោះស្រាយទេ
ហើយបើសិនជាថៅកែគ្មានដំណោះស្រាយទៅតាមលក្ខខណ្ឌទេ
កម្មករប្រមាណជា៣០០នាក់នឹងធ្វើកូដកម្មបិទផ្លូវបន្ដទៀត
រហូតដល់មានដំណោះស្រាយដែលអាចទទួលយកបាន ៕
ប្រភពៈ កោះសន្តិភាព
No comments:
Post a Comment