នាយករដ្ឋមន្ត្រីថៃ លោកស្រី យីងឡាក់
ស៊ីណាវ៉ាត្រា កាលពីថ្ងៃទី៩ ធ្នូ
បានប្រកាសតាមទូរទស្សន៍ ពីការរំលាយសភា
ហើយរៀបចំការបោះឆ្នោតមួយ ឱ្យបានឆាប់រហ័សបំផុត
ជាការប៉ុនប៉ងរកច្រកចេញ ពីវិបត្តិនយោបាយ យ៉ាងជ្រៅ
តែទោះជាបែបនេះ ក៏នៅតែពុំអាចរំងាប់ចិត្តពួកបាតុករប្រឆាំង ដែលប្តេជ្ញាទម្លាក់ រដ្ឋាភិបាលរបស់លោកស្រី ។
មេខ្លោងបាតុកម្មលោកស៊ូថេប ធឿនស៊ូបាន់
ដែលកំពុងមានប្រៀបខណៈ ដែលបាតុករប្រមាណជា១០០.០០០នាក់កំពុងលើកគ្នា
ហែក្បួនតាមដងវិថីនានានៃក្រុងបាងកក
បានបញ្ចេញប្រតិកម្មចំពោះ ការប្រកាសនោះរបស់លោកស្រីយីងឡាក់ថា
ពួកអ្នកគាំទ្រខ្ញុំចង់បានលើសពីការរំលាយសភានេះទៅទៀត ។
ពួកបាតុករពុំបន្ធូរដៃឡើយចំពោះការទាមទាររបស់ពួកគេ គឺបញ្ចប់ប្រព័ន្ធរបស់ថាក់ស៊ីន ដែលចង់និយាយយោងដល់នាយករដ្ឋមន្ត្រីត្រូវផ្តួលរំលំតាមរយៈរដ្ឋ ប្រហារមួយកាលពីឆ្នាំ២០០៦ ដោយពួកគេចោទប្រកាន់ថា លោកថាក់ស៊ីន នៅបន្សល់ទុកពួកអាយ៉ងតាមរយៈប្អូនស្រីលោកគឺលោកស្រីយីងឡាក់ ។
លោកស៊ូថេប និយាយថា ការប្រយុទ្ធនឹងបន្តទៀត ។ គោលដៅរបស់យើងគឺរំលើងរបប ថាក់ស៊ីន ។ លោកស៊ូថេប ដែលមានឆន្ទៈចង់ជំនួសរដ្ឋាភិបាលលោកស្រីយីងឡាក់ ដោយក្រុមប្រឹក្សាប្រជាជនមួយដោយមិនបាច់បោះឆ្នោតកាលពីព្រឹក ថ្ងៃទី៩ ធ្នូ បាននាំមុខក្បួនដង្ហែបាតុកម្មរបស់មនុស្សជាច្រើនពាន់នាក់លើកឆ្ពោះ ទៅកាន់វិមានរដ្ឋាភិបាល ដោយពួកគេនាំគ្នាផ្លុំកញ្ចែជានិមិត្តរូបនៃការតវ៉ាដែលមានរយៈពេល ចាប់តាំងពីជាង១ខែមកហើយ ។
នាវេលារសៀលថ្ងៃទី៩ ធ្នូ មនុស្សជាច្រើនពាន់នាក់បានទៅដល់មុខវិមានរដ្ឋាភិបាលរួចហើយ ។ ពួកបាតុករដែលប្រមូលផ្តុំគ្នាក្រោមទង់គណៈកម្មាធិការនៃការកែទម្រង់ ប្រជាធិបតេយ្យបានបដិសេធការរំលាយសភាដែលបើកផ្លូវទៅរកការបោះឆ្នោត ថ្មី ។ ពួកគេទាមទារឱ្យលោកស្រីយីងឡាក់ លាលែងចេញពីតំណែង ហើយប្រគល់អំណាចដល់ក្រុមប្រឹក្សាប្រជាជនមួយ ។
ពួកបាតុករបានឡោមព័ទ្ធវិមានរដ្ឋាភិបាលនាព្រឹកថ្ងៃទី៩ ធ្នូ
ដោយរង់ចាំក្បួនធំរបស់បាតុកម្មដឹកនាំដោយលោកស៊ូថេប ។
របាំងនានាត្រូវបានដាក់នៅខាងក្រៅវិមានរដ្ឋាភិបាល
រួចរហូតមកទល់ពេលនេះនៅពុំទាន់មានការប៉ះទង្គិចគ្នាណាមួយកើតមាន
នៅឡើយរវាងពួកបាតុករ និងប៉ូលិស ។
យោងតាមសារព័ត៌មានក្នុងស្រុកថា
ប្រមុខគណបក្សប្រជាធិបតេយ្យលោកអាប់ ភីស៊ីត វេចាជីវ៉ា
ក៏ចូលរួមធ្វើបាតុកម្មដែរ ។
ថ្លែងតាមទូរទស្សន៍ពីការរំលាយសភាដោយរង់ចាំ
ការសម្រេចព្រះទ័យរបស់ព្រះមហាក្សត្រលោកស្រីយីងឡាក់ ឱ្យដឹងថា
កាលបរិច្ឆេទសម្រាប់ការបោះឆ្នោតទូទៅក្រោយការរំលាយសភានោះនឹង
សម្រេចនៅពេលក្រោយ ។ លោកស្រីមានប្រសាសន៍ថា
ការរំលាយសភាសំដៅប្រគល់អំណាចឱ្យដល់ប្រជាជនវិញក្នុងគ្រាដ៏លំបាក
នេះ ។
លោកស្រីសង្ឃឹមថា
គ្រប់គណបក្សទាំងអស់អាចចូលរួមក្នុងការបោះឆ្នោតនាពេលខាងមុខ
និងថារដ្ឋាភិបាលលោកស្រីនឹងនៅរក្សាទុកដើម្បីបំពេញកិច្ចការប្រចាំ
ថ្ងៃ ។ ចំណែកគណបក្សភឿថៃដែលកាន់អំណាចថ្លែងនាថ្ងៃទី៩ ធ្នូដែរថា
លោកស្រីយីងឡាក់ នឹងឈរឈ្មោះក្នុងការបោះឆ្នោតក្រោយពីរំលាយសភា ។
ប្រធានគណបក្សនេះលោកចារុពង្ស រូអាងស៊ូវ៉ាន ថ្លែងថា
លោកស្រីយីងឡាក់ ពិតណាស់នឹងឈរឈ្មោះទៀត
ព្រោះលោកស្រីធ្វើការជាមួយគណបក្សភឿថៃតាំងពីដើមទីមក ។
លោកស្រីយីងឡាក់
ស្នើរំលាយសភាហើយរៀបចំការបោះប្រជាមតិមួយនាយករដ្ឋមន្ត្រីថៃលោក
ស្រីយីងឡាក់ ស៊ីណាវ៉ាត្រា កាលពីថ្ងៃទី៨ ធ្នូ
បានស្នើរំលាយសភាហើយរៀបចំការបោះប្រជាមតិមួយលើការបង្កើតរដ្ឋាភិ
បាល
ដែលពុំចាំបាច់ឆ្លងកាត់ការបោះឆ្នោតប្រឈមមុខចំពោះបាតុកម្ម
ប្រឆាំងរដ្ឋាភិបាលដែលបន្តក្នុងទីក្រុងបាងកក ។
ក្នុងសេចក្តីប្រកាសមួយលោកស្រីយីងឡាក់
ថ្លែងថា លោកស្រីនឹងអាចរំលាយសភា
រៀបចំការបោះឆ្នោតមុនកាលកំណត់មួយរយៈពេល៦០ថ្ងៃក្រោយការរំលាយ
សភា
ហើយបោះប្រជាមតិមួយទាក់ទិនដល់សំណើរបស់ពួកបាតុករប្រឆាំង
រដ្ឋាភិបាលដឹកនាំដោយអតីតឧបនាយករដ្ឋមន្ត្រីលោកស៊ូថេប ធឿកស៊ូបាន់
។
ការបោះប្រជាមតិនឹងផ្តោតលើការបង្កើតក្រុមប្រឹក្សាប្រជាជនមិនបាច់ បោះឆ្នោតមួយស្នើឡើងដោយលោកស៊ូថេប និងអតីតតំណាងរាស្ត្រនៃគណបក្សប្រជាធិបតេយ្យជាច្រើនរូបដែលបាន រៀបចំធ្វើបាតុកម្មប្រឆាំងរដ្ឋាភិបាលអស់រយៈពេលជាង១ខែមកហើយ ។
ការបោះប្រជាមតិនឹងផ្តោតលើការបង្កើតក្រុមប្រឹក្សាប្រជាជនមិនបាច់ បោះឆ្នោតមួយស្នើឡើងដោយលោកស៊ូថេប និងអតីតតំណាងរាស្ត្រនៃគណបក្សប្រជាធិបតេយ្យជាច្រើនរូបដែលបាន រៀបចំធ្វើបាតុកម្មប្រឆាំងរដ្ឋាភិបាលអស់រយៈពេលជាង១ខែមកហើយ ។
យោងតាម លោកស៊ូថេប ថា ក្រុមប្រឹក្សាប្រជាជននោះនឹងទទួលបន្ទុកជ្រើសរើសនាយករដ្ឋមន្ត្រី មួយរូប និងរដ្ឋាភិបាលមួយដែលពុំចាំបាច់ឆ្លងកាត់ការបោះឆ្នោតដើម្បីដឹក នាំប្រទេស ក៏បុ៉ន្តែលោកស្រីយីងឡាក់ ចាត់ទុកសំណើនោះថាពុំអាចធ្វើទៅបានបើយោងតាមរដ្ឋធម្មនុញ្ញ ។
កាលពីថ្ងៃទី៦ ធ្នូ កន្លងមកនេះលោកស៊ូថេប
អំពាវនាវដល់ពលរដ្ឋថៃឱ្យចូលរួមនាថ្ងៃទី៩ ធ្នូ
ក្នុងការប្រមូលផ្តុំមនុស្សយ៉ាងធំមួយដែលលោកថា
នោះជាការប្រឈមមុខចុងក្រោយជាមួយរដ្ឋាភិបាល ៕
ប្រភពៈ កោះសន្តិភាព
No comments:
Post a Comment