សម្ព័ន្ធសហជីពកម្មករ សមាគមចំនួន១៤
និងបន្ទប់ស្ថានការណ៍ថ្ងៃបោះឆ្នោតនៃអង្គការសង្គមស៊ីវិលនៅកម្ពុជា
នៅថ្ងៃសុក្រម្សិលមិញ
ថ្កោលទោសចំពោះសកម្មភាពដ៏ឃោឃៅរបស់កងកម្លាំងសមត្ថកិច្ចទៅលើអ្នក
តវ៉ាដោយសន្តិវិធី រហូតមានការបាញ់ប្រហារកម្មករ ដែលបណ្តាលឲ្យស្លាប់
និងរងរបួសជាច្រើននាក់។
សេចក្តីថ្លែងការណ៍រួមរបស់សម្ព័ន្ធសហជីពកម្មករ សមាគមទាំង១៤
សោកស្តាយយ៉ាងខ្លាំងចំពោះព្រឹត្តិការណ៍បង្ក្រាបយ៉ាងឃោឃៅរបស់កម្លាំង
សមត្ថកិច្ច និងកងពលតូចឆ័ត្រយោង ៩១១
រហូតមានការចាប់ខ្លួនធ្វើទារុណកម្ម យ៉ាងព្រៃផ្សៃទៅលើកម្មករ ព្រះសង្ឃ
និងថ្នាក់ដឹកនាំសមាគម គឺលោក វន់ ពៅ និងលោក ថេង សាវឿន
និងការបាញ់ឲ្យមានរបួស និងស្លាប់ជាបន្តបន្ទាប់កាលពីថ្ងៃសុក្រ។
ចំណែក
សេចក្តីថ្លែងការណ៍ដាច់ដោយទ្បែករបស់បន្ទប់ស្ថានការណ៍នៃអង្គការ
សមាគមស៊ីវិល ស្នើសុំឲ្យសហគមន៍អន្តរជាតិ និងអ្នកអង្កេតការណ៍ជាតិ
និងអន្តរជាតិចូលរួមឃ្លាំមើលព្រឹត្តិការណ៍ហិង្សានេះ
និងអន្តរាគមឲ្យទាន់ពេលវេលា
ដើម្បីបញ្ឃប់ករណីរំលោភសិទ្ធិមនុស្សយ៉ាងធ្ងន់ធ្ងរនេះ។
បន្ទប់ស្ថានការណ៍ អំពាវនាវដល់រាជរដ្ឋាភិបាលដោះលែងលោក វន់ ពៅ និង
លោក ថេង សាវឿន និងកម្មករទាំងអស់
ហើយបញ្ឈប់ជាបន្ទាន់ចំពោះសកម្មភាពបង្ក្រាប
យ៉ាងឃោរឃៅដែលកំពុងកើតមានឡើង។ បន្ទប់ស្ថានការណ៍បោះឆ្នោត
ស្នើឲ្យមានការដោះស្រាយជាបន្ទាន់ ដោយសន្តិវិធី
ដើម្បីជៀសវាងនូវបញ្ហាកាន់តែធ្ងន់ធ្ងរឡើង
និងឲ្យនាំខ្លួនជនដែលបាញ់កម្មករស្លាប់
ជនដែលធ្វើទារុណកម្មដល់អ្នករងគ្រោះដែលបានចាប់ខ្លួន
និងជនដែលជាអ្នកបញ្ជានៅពីក្រោយយកទៅផ្តន្ទាទោសតាមច្បាប់
និងសងសំណងដល់ជនរងគ្រោះឲ្យបានសមរម្យ៕
សូមសរសេរមកកាន់ លោក ទ្បាយ សាមាន តាមរយៈ laysamean168@yahoo.com
ប្រភពៈ vodhotnews 
No comments:
Post a Comment