រាជធានីភ្នំពេញ ៖
រថយន្តដឹកទំនិញធុនធំចំនួន៨គ្រឿងត្រូវបានមន្ទីរសាធារណៈការ
និងដឹកជញ្ជូនរាជធានីភ្នំពេញ
សហការជាមួយនគរបាលចរាចររាជធានីភ្នំពេញ ចុះចាប់ឃាត់
និងបញ្ជូនទៅកាន់ការិយាល័យចរាចរណ៍ជើងគោក
ដើម្បីធ្វើការអប់រំណែនាំឱ្យពួកគាត់បានយល់នូវអ្វីដែលជាការ
ណែនាំរបស់សាលារាជធានីភ្នំពេញ និងព្រមានឱ្យរាងចាល ។
លោកអ៊ូ ធនសាល
អនុប្រធានការិយាល័យដឹកជញ្ជូននៃមន្ទីរសាធារណៈការរាជធានី
ភ្នំពេញបានឱ្យដឹងថា
ក្រោយពីសាលារាជធានីភ្នំពេញចេញសេចក្តីជូនដំណឹងនេះ
សមត្ថកិច្ចបានឃាត់រថយន្តធុនធំ
ដែលបំពាននឹងបម្រាមនេះបានជាច្រើនគ្រឿងមកហើយ
ដើម្បីយកទៅអប់រំណែនាំ
និងជំរុញឱ្យម្ចាស់រថយន្តទៅសុំការអនុញ្ញាត
និងការណែនាំពីមន្ទីរសាធារណការ ។
សាលារាជធានីភ្នំពេញមិនត្រូវការប្រាក់ផាកពិន័យពីម្ចាស់
រថយន្តធុនធំទាំងនោះទេ
សំខាន់គឺសុំឱ្យបងប្អូនចូលរួមគោរពតាមការណែនាំក្នុងគោលដៅកាត់
បន្ថយការកកស្ទះ និងគ្រោះថ្នាក់ចរាចរណ៍
ក៏ដូចជាការបង្កនូវបញ្ហាផ្សេងៗនៅក្នុងរាជធានីភ្នំពេញផងដែរ
។
លោកអ៊ូ ធនសាល បានបញ្ជាក់ថា
រថយន្តធំទាំង៨គ្រឿងនេះ
ត្រូវបានសមត្ថកិច្ចឃាត់នៅពេលពួកគេកំពុងបើកបរលើកំណាត់ផ្លូវ
ហាមឃាត់គឺ កំណាត់ផ្លូវលេខ២៧១ និងកំណាត់ផ្លូវលេខ៥៩៨ ។
ការទប់ស្កាត់រថយន្តធុនធំមិនឱ្យចូលក្រុងនេះជាវិធានការអាទិភាព
មួយរបស់សាលារាជធានីភ្នំពេញដែលត្រូវអនុវត្តដូចភ្លៀងរលឹម
មិនរាថយឡើយ
ក្នុងដំណាក់កាលដែលរាជធានីភ្នំពេញមានស្ថានភាពកាន់តែចង្អៀត
និងស្ទះចរាចរណ៍ស្ទើរតែគ្រប់ផ្លូវនោះ ៕
ប្រភពៈ កោះសន្តិភាព
No comments:
Post a Comment