ខេត្តពោធិ៍សាត់ ៖ បុរសម្នាក់បានរងរបួសបាក់ជើងខាងស្តាំ
ខណៈទៅដាក់មងដោយ ដើរឆ្លងកាត់ព្រៃមួយកន្លែង ត្រូវគ្រាប់កាំភ្លើង
ដែលជន មិនស្គាល់មុខដាក់បង្កៃ ដោយដាក់ខ្សែចងភ្ជាប់នឹងកៃកាំភ្លើង
ហើយបុរសរងគ្រោះបាន ដើរទាក់ក៏ត្រូវចំតែម្តង ។
ហេតុការណ៍ខាងលើ នេះកើតឡើងកាលពីវេលាម៉ោង៦ល្ងាច ថ្ងៃទី២១ ខែវិច្ឆិកា ឆ្នាំ២០១៣ ស្ថិតនៅព្រៃមល ក្នុងភូមិក្សេត្របុរី ឃុំសន្រែ្ទ ស្រុកភ្នំក្រវាញ់ ខេត្តពោធិ៍សាត់ ។ជនរងគ្រោះមានឈ្មោះ គិត រ៉ន អាយុ៣៦ឆ្នាំ រស់នៅភូមិ-ឃុំកើតហេតុខាងលើ ។
តាមការឲ្យដឹងពី មន្ត្រីកងរាជអាវុធហត្ថស្រុកភ្នំក្រវាញ់បានឲ្យដឹងថា មុនពេលកើតហេតុជនរងគ្រោះបានយកមងទៅដាក់ដោយដើរកាត់ព្រៃខាងលើ ។ លុះពេលមកដល់ចំណុចកើតហេតុស្រាប់តែដើរទាក់ខ្សែដែលជនមិនស្គាល់ ចងភ្ជាប់នឹងកៃកាំភ្លើងដក់លើមែកឈើធ្វើផ្ទុះបាញ់ចំជើងខាងស្តាំ បណ្តាលឲ្យបាក់ដួលនៅនឹងកន្លែង ។ ភ្លាមៗនោះអ្នកភូមិបានឮសំឡេងផ្ទុះក៏នាំគ្នាទៅមើលឃើញជនរង គ្រោះត្រូវគ្រាប់ក៏នាំគ្នាដឹកជនរងគ្រោះតាមម៉ូតូទៅសង្គ្រោះនៅ មន្ទីរបង្អែកស្រុកភ្នំក្រវាញ់ភ្លាមៗតែម្តង ។
សមត្ថកិច្ចនៅមិន
ទាន់ដឹងថា
ករណីខាងលើនេះជាករណីប៉ងធ្វើឃាតឬជាករណីបង្កៃសម្រាប់ដាក់សត្វ
ព្រៃ ដោយស្ថិតក្នុងការស្រាវជ្រាវនិងស៊ើបអង្កេត ៕
ប្រភពៈ នគរវត្ត
No comments:
Post a Comment