ខេត្តកំពង់ចាម ៖ក្រុមចោរមួយក្រុមប្រដាប់ដោយកាំភ្លើងនិងកាំបិតផ្គាក់បានចូលមក
ប្លន់ផ្ទះលក់ដូរកាហ្វេលក់ស៊ុប២នាក់ប្តីប្រពន្ធយកទ្រព្យសម្បតិ្ត
និងគ្រឿងអលង្ការរួចគេចខ្លួនដោយសុវត្ថិភាពមិនរំខាន់ដល់សមត្ថកិច្ច
នគរបាលប៉ុស្តិ៍ឃុំព្រែកតានង់នោះឡើយ ។
ហេតុការក្រុមចោរប្លន់ខាងលើនេះ
បានកើតឡើងកាលពីវេលាម៉ោង៧យប់ថ្ងៃទី២១ ខែវិច្ឆិកា ឆ្នាំ២០១៣
នៅចំណុចផ្ទះលក់កាហ្វេនិងស៊ុបតាមបណ្តោយផ្លូវលំភូមិតានង់ទី៥
ឃុំព្រែកតានង់ ស្រុកកោះសុទិន ខេត្តកំពង់ចាម ។
តាមប្រភពព័ត៌មានពីប្រជាពលរដ្ឋនៅ
កន្លែងកើតហេតុបានឲ្យដឹងថា
ជនរងគ្រោះដែលក្រុមចោរភ្ជង់ប្លន់ឈ្មោះ សៅ អាយុប្រហែល៣០ឆ្នាំ
ប្រពន្ធឈ្មោះ ចាន់នី អាយុប្រហែល២៧ឆ្នាំ មុខរបរលក់ដូរ
ស្នាក់នៅផ្ទះកើតហេតុខាងលើ ។
ចំណែកជនសង្ស័យជាក្រុមចោរប្លន់មានគ្នាប្រហែល៥នាក់
ប្រដាប់ដោយកាំភ្លើងនិងកាបិត ។
ទ្រព្យសម្បត្តិដែលក្រុមចោរយកទៅនោះមានខ្សែក
ខ្សែដៃនិងលុយកាក់ជាច្រើនទៀត ។
មុនពេលកើតហេតុជនរងគ្រោះទាំង២
នាក់ប្តីប្រពន្ធបានរៀបចំលក់ដូរស្រាប់តែជនសង្ស័យ២នាក់
ប្រដាប់ដោយកាំភ្លើងនិងកាំបិតម្នាក់មួយចូលទៅភ្ជង់និងគំរាមប្លន់
យកគ្រឿងអលង្ការ ។
ដោយខ្លាចការគំរាមកំហែលជនរងគ្រោះក៏ប្រមូលទ្រព្យសម្បត្តិប្លន់
រួចហើយជនសង្ស័យក៏បានរត់គេចខ្លួដោយសុវត្ថិភាពមិនរំខានដល់
សមត្ថកិច្ចឃុំព្រែកតានង់សោះឡើយ ។
ក្រោយពេលកើតហេតុប្រហែលជាកន្លះម៉ោងទើបគេឃើញសមត្ថកិច្ចទៅដល់ ។
តាមប្រភពព័ត៌មានពីប្រជាពលរដ្ឋបាន
ឲ្យដឹងថា
នគរបាលឃុំព្រែកតានង់មិនដែលចាប់បានក្រុមចោរលួចចោរប្លន់ម្តងណា
ឡើយឃើញតែនគរបាលដើរយកលុយតាមកន្លែងវង់ល្បែង មានដូចជាជល់មាន់
ចាក់កន្លុយលេខ និងល្បែងស៊ីសងជាដើម
ដែលទង្វើខាងលើនេះត្រូវបានប្រជាពលរដ្ឋរិះគន់ថា
អ្នកដែលដើរយកលុយទាំងនោះមានឈ្មោះសុង ។
ពួកគាត់រិះគន់ថានគរបាលឃុំព្រែកតានង់ធ្វើឲ្យប្រជាពលរដ្ឋអស់ជំនឿ
ដោយសារតែទង្វើរបស់នគរបាលមិនដែលធ្វើការល្បាតតាមមូលដ្ឋានដូច្នេះ
ទើបមានក្រុមប្លន់ប្រដាប់អាវុធខាងលើនេះកើតមាន ។
ចុងក្រោយប្រជាពលរដ្ឋសូមសំណូមពរ
ដល់លោកមេឃុំព្រែកតានង់ លឹម ជូឡេង
ជួយមើលវង់ល្បែងនៅខាងក្រោយផ្ទះរបស់លោកផងស្ថិតក្នុងភូមិព្រែកតាន
ង់ទី៨
ដោយសារតែមានវង់ល្បែងទាំងនេះទើបកើតមានចោរលួចចោរប្លន់បែបនេះ ៕
ប្រភពៈ នគរវត្ត
No comments:
Post a Comment