ទីបំផុតសភាថៃបានច្រានចោលច្បាប់លើកលែងទោសនៅថ្ងៃទី១១ ខែវិច្ឆិកា
ដោយច្បាប់នោះរងការរិះគន់យ៉ាងខ្លាំងពីក្រុមអ្នកប្រឆាំងថា
មានចេតនា ជួយដល់អតីតនាយករដ្ឋមន្ដ្រីថៃ ថាក់ស៊ីន
ស៊ីណាវ៉ាត្រា
ដែលកំពុងរស់នៅក្រៅប្រទេសអាចវិលត្រឡប់ចូលស្រុកវិញបាន ។
ការ សម្រេចខាងលើរបស់ព្រឹទ្ធសភា ក្រោយពេលដែលពលរដ្ឋរាប់សិបពាន់នាក់ដង្ហែក្បួនបាតុកម្មនៅដងវិថី នានាក្នុងក្រុងបាងកកនាថ្ងៃទី១១ ខែវិច្ឆិកា ប្រឆាំងនឹងច្បាប់លើកលែងទោសនោះ ។ អនុប្រធានព្រឹទ្ធសភាថៃ លោក Surachai Lengboonlertcha បានបញ្ជាក់ថា សភាថៃបានច្រានចោលច្បាប់លើកលែងទោស ដោយមិនលើកមកពិភាក្សាទៀតនោះឡើយ ។ សមាជិកព្រឹទ្ធសភាថៃទាំង១៤១នាក់បានបោះឆ្នោតប្រឆាំងនឹងច្បាប់ លើកលែងទោស ដែលរដ្ឋសភាបានអនុម័តគាំទ្រច្បាប់នោះកាលពីថ្ងៃទី១ ខែវិច្ឆិកា ឆ្នាំ២០១៣ ។
អ្នកនាំពាក្យគណបក្សភឿថៃ លោក Pormpong Nopparit បានឱ្យដឹងថា គណបក្សកាន់អំណាចនឹងមិនលើកយកច្បាប់លើកលែងទោសមកពិភាក្សាក្នុងរដ្ឋសភា ទៀតឡើយ ។ លោកបន្ដទៀតថា “យើងខ្ញុំជឿជាក់ថា ចាប់ពីថ្ងៃទី១២ ខែវិច្ឆិកានេះទៅ វិបត្ដិនយោបាយនឹងគ្មានទៀតឡើយ ដោយក្រុមប្រឆាំងគ្មានហេតុផលណាមួយដែលបន្ដធ្វើបាតុកម្មនោះឡើយ” ។
កាលពី សបា្ដហ៍កន្លងមក នាយករដ្ឋមន្ដ្រីថៃ លោកស្រីយ៉ីងឡាក់ ស៊ីណាវ៉ាត្រា បានប្រកាសថា លោកស្រីនឹងគោរពការ សម្រេចរបស់ព្រឹទ្ធសភា ។ រដ្ឋាភិបាល របស់លោកស្រី បានចាត់ទុកច្បាប់លើក លែងទោសជាជំហានចាំបាច់មួយឆ្ពោះ ទៅរកការផ្សះផ្សាប្រទេសជាតិ ។
កាលពី សបា្ដហ៍កន្លងមក នាយករដ្ឋមន្ដ្រីថៃ លោកស្រីយ៉ីងឡាក់ ស៊ីណាវ៉ាត្រា បានប្រកាសថា លោកស្រីនឹងគោរពការ សម្រេចរបស់ព្រឹទ្ធសភា ។ រដ្ឋាភិបាល របស់លោកស្រី បានចាត់ទុកច្បាប់លើក លែងទោសជាជំហានចាំបាច់មួយឆ្ពោះ ទៅរកការផ្សះផ្សាប្រទេសជាតិ ។
ប៉ុន្ដែ សារព័ត៌មានBBCបានផ្សព្វផ្សាយថា ការធ្វើមហាបាតុកម្មរបស់ គណបក្សប្រជាធិបតេយ្យដែលជាគណ បក្សប្រឆាំងអំពាវនាវឱ្យលុបចោល ច្បាប់លើកលែងទោសបានក្លាយទៅជា យុទ្ធនាការមួយក្នុងការវាយប្រហារទៅលើរដ្ឋាភិបាល ។
ប៉ុន្ដែ សារព័ត៌មានBBCបានផ្សព្វផ្សាយថា ការធ្វើមហាបាតុកម្មរបស់ គណបក្សប្រជាធិបតេយ្យដែលជាគណ បក្សប្រឆាំងអំពាវនាវឱ្យលុបចោល ច្បាប់លើកលែងទោសបានក្លាយទៅជា យុទ្ធនាការមួយក្នុងការវាយប្រហារទៅលើរដ្ឋាភិបាល ។
កាលពីយប់ ថ្ងៃទី១១ ខែវិច្ឆិកា មុនពេលព្រឹទ្ធសភាថៃសរុបសេចក្ដីសម្រេចចុងក្រោយ សមាជិករដ្ឋសភាមកពីគណបក្សប្រជាធិបតេយ្យ បានអំពាវនាវដល់ប្រជាពលរដ្ឋគ្រប់ស្រទាប់វណ្ណៈទូទាំងប្រទេសធ្វើ កូដកម្មរយៈពេល៣ថ្ងៃ ប្រឆាំងនឹងរដ្ឋាភិបាលដែលចាប់ផ្ដើមឡើងនៅថ្ងៃទី១៣ ខែវិច្ឆិកា ។ មានប្រសាសន៍តាមកញ្ចក់ទូរទស្សន៍ លោកស៊ូ ថេប ថងស៊ូបាន ក៏បានប្រកាសថា លោកដកខ្លួនចេញពីបញ្ជីឈ្មោះតំណាងរាស្ដ្រក្នុងរដ្ឋសភា ៕
ប្រភពៈ នគរវត្ត
No comments:
Post a Comment