ករណីបាញ់សម្លាប់ ខ្លួនខាងលើនេះ បានកើតឡើងនៅវេលាម៉ោង៩និង៣០នាទីព្រឹក ថ្ងៃទី១២ ខែវិច្ឆិកា ឆ្នាំ២០១៣ នៅស្នាក់ការប៉ុស្ដិ៍ព្រែកប្រា ឋិតតាមបណ្ដោយផ្លូវលេខ៣៦៩ សង្កាត់ព្រែកប្រា ខណ្ឌមានជ័យ ។
សមត្ថកិច្ចនិយាយ ថា ជនសង្ស័យដែលបាញ់សម្លាប់ខ្លួនដោយយកកាំភ្លើងនគរបាល មានឈ្មោះ ឃឹម រ៉ា ភេទប្រុស អាយុ២៤ឆ្នាំ មុខរបរកម្មករសំណង់ គ្មានទីលំនៅពិតប្រាកដ ។ អាវុធដែលជនសង្ស័យបាញ់សម្លាប់ខ្លួនម៉ាករ៉ូឡូ ជារបស់មន្ដ្រីនគរបាល ប៉ុស្ដិ៍ឈ្មោះ ជន សុទិវា ។
តាមប្រភពព័ត៌មាន ជំហានដំបូងបានឱ្យដឹងថា ជនសង្ស័យមានឈ្មោះ ឃឹម រ៉ា ត្រូវកម្លាំងនគរបាលប៉ុស្ដិ៍ព្រែកប្រាចាប់ខ្លួន ទៅតាមបណ្ដឹងរបស់ប្រជាពលរដ្ឋកាលពីយប់ថ្ងៃទី១១ ខែវិច្ឆិកា ឆ្នាំ២០១៣ ហើយយកមកឃុំនៅក្នុងបន្ទប់បណ្ដោះអាសន្ន ដើម្បីធ្វើកំណត់ហេតុសាកសួរយកចម្លើយទៅតាមបណ្ដឹងដែលប្រជាពលរដ្ឋ ប្ដឹងថា ជនសង្ស័យរូបនេះជាមុខសញ្ញាចោរកម្ម លួច។
ប្រភពៈ នគរវត្ត
No comments:
Post a Comment