ខេត្ដព្រះសីហនុ ៖ បុរសគម្នាក់បានលួច
យករថយន្ដរបស់អ្នកទិញអេតចាយហើយ
បើកថយក្រោយចូលក្នុងផ្ទះប្រជាពលរដ្ឋកិនម៉ូតូមួយគ្រឿងរួមជាមួយបុរស
ម្នាក់ជាម្ចាស់ម៉ូតូបណ្ដាលឱ្យរងរបួសធ្ងន់ត្រូវចាប់ខ្លួន ។
ហេតុកាណ៍
នេះបានកើតឡើងនៅវេលាម៉ោង៣និង២០នាទីរសៀលថ្ងៃទី១០ ខែវិច្ឆិកា
ឆ្នាំ២០១៣ នៅចំណុចក្រុម៣១ ភូមិ៣ សង្កាត់លេខ៣ ក្រុងព្រះសីហនុ ។
នគរបាល
ចរាចរបាននិយាយថា បុរសរងគ្រោះក្នុងហេតុការណ៍នេះមាន ឈ្មោះ ចាន់
អែម ភេទប្រុស អាយុ៣៨ ឆ្នាំ មុខរបររត់ម៉ូតូឌុប មានទីលំនៅក្រុម
ទី១៩ ភូមិ៣ សង្កាត់លេខ១ ក្រុងព្រះសីហនុ បានរងរបួសធ្ងន់
ខណៈបណ្ដើរម៉ូតូម៉ាក ហុងដាសេ១២៥ ពណ៏ខ្មៅ មកបាញ់ថ្នាំ
ក្បែរកន្លែងកើតហេតុក៏ត្រូវបានរថយន្ដម៉ាហ៊ីយ៉ាន់ដាយ
ពណ៌ទឹកប៊ិច ពាក់ស្លាក លេខភ្នំពេញ 2F-6720 ជាកម្មសិទ្ធិរបស់
ឈ្មោះ ឡុង ហេងយូ ភេទប្រុស អាយុ ៣២ឆ្នាំ មានទីលំនៅក្រុម៣១
ភូមិ៣ សង្កាត់លេខ៣ ក្រុងព្រះសីហនុ មុខរបរ
ទិញអេតចាយដែលត្រូវបុរសគម្នាក់
បានលួចយកបើកបានបន្ដិចមិនដឹងយ៉ាងម៉េចស្រាប់តែបើកថយក្រោយបុកម៉ូតូ
និងបន្ដចូលក្នុងផ្ទះប្រជាពលរដ្ឋឈ្មោះ ម៉េង យិ ភេទស្រី
អាយុ៥៣ឆ្នាំ មានទី លំនៅក្រុម៣១ ភូមិ ៣ សង្កាត់លេខ៣
ក្រុងព្រះសីហនុ បណ្ដាលបាក់សសរសំយាប ផ្ទះមួយដើមផងដែរ ។
ស្ដ្រី អ្នកលក់ចេកចៀននៅក្បែរកន្លែងកើតហេតុបាននិយាយថា នៅពេលមុនកើត ហេតុពេលគាត់កំពុងចៀនចេកគាត់ឃើញ រថយន្ដរបស់ឈ្មោះ ហេង យូ បើកយ៉ាង លឿនហួសតូបគាត់បន្ដិចក៏ស្រាប់តែ រថយន្ដនោះបើកថយក្រោយបុកម៉ូតូរួចចូលក្នុងផ្ទះចែ យិ លាន់ដូចរន្ទះបង្កឱ្យ បុរសម្ចាស់ម៉ូតូកៀបជាប់ជាមួយរថយន្ដ រងរបួសធ្ងន់ត្រូវបានរថយន្ដសង្គ្រោះដឹកយកទៅព្យាបាលនៅគ្លីនិកឯកជន ។
តាមសម្ដី
ប្រពន្ធម្ចាស់រថយន្ដបានអះអាងថា នៅថ្ងៃកើតហេតុបន្ទាប់ពីប្ដី
របស់គាត់មកពីកិនសំបកកំប៉ុងវិញបានដើរចូលផ្ទះឱ្យគាត់ជប់ខ្យល់
ឱ្យព្រោះពុំ ស្រួលខ្លួនដោយទុកឱ្យកម្មករលើកអីវ៉ាន់
នៅពេលលើករួចកម្មករទាំងនោះបានដើរ
ចូលផ្ទះមុជទឹកបានមួយសន្ទុះស្រាប់តែមានកម្មកម្នាក់បានស្រែកប្រាប់
គាត់ថា មានគេឡើងបើករថយន្ដចេញបាត់ហើយ
ទើបប្ដីរបស់គាត់ស្ទុះរត់ចេញមកមើល
រួចបានដេញតាមទើបដឹងថារថយន្ដរបស់ គាត់មានជនសង្ស័យលួចយកមែន ៕
ប្រភពៈ នគរវត្ត
No comments:
Post a Comment