នាងខ្ញុំជាប្រជាពលរដ្ឋនៅសង្កាត់ទឹកល្អក់ទី៣ ខណ្ឌទួលគោក
រាជធានីភ្នំពេញ ។ មិនមែនជាមន្ដ្រីរាជការអ្វីនោះទេ
ក្នុងនាមជាមេផ្ទះ រឿងដែលជួបប្រទះញឹកញាប់
គឺការចូលផ្សារទិញអ៊ីវ៉ាន់ប្រើប្រាស់ ។
ទៅផ្សារអូឡាំពិកមួយសបា្ដហ៍ម្ដង ឬកន្លះខែ ម្ដង ។
វាមិនធំដុំទេអំពីបញ្ហាតម្លៃផ្ញើម៉ូតូម្ដង១ពាន់រៀលនោះ
ប៉ុន្ដែនាងខ្ញុំមិនចូល ចិត្ដឱ្យនរណាស៊ីលើ
ឬដើរខ្សែលើនោះទេ ។ ដើរខ្សែលើក៏ព្រោះតែតម្លៃផ្ញើសំបុត្រ
ដែលគេដាក់ក្នុងចុងសន្លឹកតែ៣០០រៀលក្នុងម៉ូតូ១គ្រឿង
ប៉ុន្ដែតម្លៃជាក់ស្ដែងរហូត ដល់១ពាន់រៀលឯណោះ ។
មិនមែនតែនាងខ្ញុំទេ ប៉ុន្ដែមនុស្សទូទៅឈឺចាប់ណាស់ ។
ក្រោយពីការបោះ ឆ្នោតបង្កើតរាជរដ្ឋាភិបាលថ្មី សម្ដេចនាយករដ្ឋមន្ដ្រីហ៊ុន សែនបានប្រកាសអំពីកំណែទម្រង់ស៊ីជម្រៅ ។ នាងខ្ញុំមិនដឹងថា តើបញ្ហាតម្លៃផ្ញើ ម៉ូតូដែលលើសពីការកំណត់របស់មន្ទីរសេដ្ឋកិច្ច ហិរញ្ញវត្ថុរាជធានីភ្នំពេញនោះ បានឋិតនៅក្នុងយុទ្ធសាស្ដ្រនៃកំណែទម្រង់របស់រាជរដ្ឋាភិបាល ដែរ ឬយ៉ាងណានោះ ទេ ពីព្រោះថា ក្រោយការប្រកាសរបស់ប្រមុខរាជរដ្ឋាភិបាលមកដល់ពេលនេះ បញ្ហាតិចតួច ប៉ុន្ដែបង្កឱ្យមានការឈឺចាប់ដល់មនុស្សជាច្រើននេះ មិនទាន់ឃើញ មានអ្វីផ្លាស់ប្ដូរ ឬហៅថា កំណែទម្រង់នោះនៅឡើយ ។
និយាយតាមត្រង់ទៅ បញ្ហានេះវាជាចំណែកមួយដែលធ្វើឱ្យគណបក្សប្រជាជន កម្ពុជានៅរាជធានីភ្នំពេញធ្លាក់សំឡេងការគាំទ្រនោះដែរ ។ ឬមួយថា វាមិនមាន តម្លៃសម្រាប់អ្វីដែលជាកំណែទម្រង់នោះទេ? ប្រសិនបើយ៉ាងដូច្នោះ វានឹងបន្ដដើរ លើផ្លូវនៃការខាតបង់យ៉ាងធ្ងន់បន្ដទៀត ។ នាងខ្ញុំជឿថា ដើម្បីដោះស្រាយបញ្ហានេះ វាគួរតែមន្ទីរសេដ្ឋកិច្ច និងហិរញ្ញវត្ថុរាជធានីភ្នំពេញកំណត់តម្លៃដាក់នៅក្នុងវិក្កយ បត្រផ្ញើម៉ូតូ១ពាន់រៀលសម្រាប់ម៉ូតូមួយគ្រឿង នោះវានឹងចប់បញ្ហា ។ ជឿចុះថា ប្រជាពលរដ្ឋខ្មែរឈឺចាប់ណាស់ រឿងគេកោ១០០-២០០រៀលនេះ ៕
ប្រភពៈ នគរវត្ត
No comments:
Post a Comment