បន្ទាយមានជ័យ ៖ យុវជនម្នាក់ ជិះម៉ូតូត្រឡប់មកពីដើរលេង
និងផឹកស៊ីជាមួយមិត្តភ័ក្តិ បានបុកគល់ឈើបាក់កស្លាប់ ។
ហេតុការណ៍បានកើតឡើងកាលពីវេលាម៉ោង ១និង៤៥នាទី រំលងអាធ្រាត្រ
ឈានចូលថ្ងៃទី២០ ខែវិច្ឆិកា ឆ្នាំ២០១៣ នៅចំណុចផ្លូវ
កោងមួយកន្លែងមុខវិទ្យាល័យ ហ៊ុន សែន ណាំតៅ ក្នុងភូមិយាងឧត្តម
ឃុំណាំតៅ ស្រុកភ្នំស្រុក ខេត្ត បន្ទាយមានជ័យ ។
នគរបាល ស្រុកភ្នំស្រុក បានឲ្យ ដឹងថា ជនរងគ្រោះ មានឈ្មោះ មិន ពឿត
ភេទប្រុស អាយុ២៨ឆ្នាំ រស់នៅភូមិយាងឧត្តម ឃុំណាំតៅ ស្រុកភ្នំស្រុក
ខេត្តបន្ទាយមានជ័យ ។ បើកបរម៉ូតូម៉ាកទ្រីម សេ ១២៥ ស៊េរីឆ្នាំ២០០៨
ពាក់ស្លាកលេខសៀមរាប 1G:4092 ។
នគរបាលបាន បន្តថា យោងតាមការត្រួតពិនិត្យ កន្លែងកើតហេតុ និងសពសមត្ថកិច្ចរកឃើញថា មុន កើតហេតុជនរងគ្រោះ បើកបរម៉ូតូក្នុងល្បឿនលឿន ហើយក្នុងភាពស្រវឹងផងនោះ ទើប បណ្ដាលឲ្យបុកគល់ឈើមួយទំហឹង បាក់កស្លាប់តែម្ដង ៕
ប្រភពៈ khmeronlinenews
No comments:
Post a Comment