កិច្ចប្រជុំនិងអនុម័តជាឯកច្ឆន្ទក្នុងការបង្កើតក្រសួង៣បន្ថែមទៀត នេះមានការសម្រេចចិត្ដពីសមាជិកសភាចំនួន៦៦រូបមកពីគណបក្សប្រជាជន កម្ពុជាដោយមិនមានគណបក្សប្រឆាំងចូលរួមឡើយ ។ ក្រសួងមុខងារសាធារណៈត្រូវបានគេដឹងថា ដឹកនាំដោយលោកពេជ្រ ប៊ុនធិន ជារដ្ឋមន្ដ្រីខណៈដែលពីមុនក្រសួងនេះជា លេខាធិការដ្ឋានស្ថិតក្រោមការគ្រប់គ្រងរបស់ទីស្ដីការគណៈរដ្ឋមន្ដ្រី ។ ដោយឡែក ក្រសួងពីរថ្មីទៀតគឺក្រសួងឧស្សាហកម្ម និងសិប្បកម្មនិងក្រសួងរ៉េនិងថាមពល ដែលបំបែកចេញពីក្រសួងឧស្សាហកម្ម រ៉ែនិងថាមពលនោះមិនទាន់មានការ ប្រកាសឱ្យដឹងពីរដ្ឋមន្ដ្រីថ្មីជាអ្នកណានៅឡើយទេ ។ ប៉ុន្ដែគេជឿជាក់ថា លោកទេស រដ្ឋមន្ដ្រីចម ប្រសិទ្ធ ដែលជារដ្ឋមន្ដ្រីក្រសួង ឧស្សាហកម្មរ៉ែ និងថាមពល នៅគ្រប់ គ្រងរហូតដល់មានការតែងតាំងរដ្ឋមន្ដ្រីថ្មីសម្រាប់ក្រសួងឧស្សាហកម្ម និងសិប្បកម្ម ព្រមទាំងក្រសួងរ៉ែ និងថាមពល មកកាន់តំណែងទាំងនេះជាផ្លូវការ ។
សម្រាប់ លោកស៊ុយ សែម អតីតរដ្ឋមន្ដ្រី ក្រសួងឧស្សាហកម្មរ៉ែនិងថាមពល ត្រូវបានគេរំពឹងថា នឹងត្រូវបានវិលមកកាន់តំណែងជារដ្ឋមន្ដ្រីក្រសួងរ៉ែ និងថាមពល ខណៈលោក ចម ប្រសិទ្ធ នៅកាន់តំណែងជារដ្ឋមន្ដ្រីក្រសួងឧស្សាហកម្ម និងសិប្បកម្មដដែល ៕
ប្រភពៈ នគរវត្ត
No comments:
Post a Comment