វគ្គបណ្តុះបណ្តាលស្តីពីរបៀបបង្ការ និងពន្លត់អគ្គីភ័យ (វគ្គទី២)

ខេត្តស្វាយរៀង៖ សក្កដា

ថ្ងៃទី ២១ ខែ កក្កដា ឆ្នាំ២០១៧ ក្រុមហ៊ុន ហ្គោលដិនហ្កាឡាក់ស៊ី សណ្ឋាគារ-កាស៊ីណូ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ក្រោយពីមានការពិគ្រោះយោបល់គ្នា ពីថ្នាក់ដឹកនាំក្រុមហ៊ុន និងមានបញ្ជារពីលោកថៅកែក្រុមហ៊ុនផ្ទាល់ លោកបានអនុញ្ញាតអោយមានការបើកវគ្គបណ្តុះបណ្តាលស្តីពី របៀបបង្ការ និងពន្លត់អគ្គីភ័យ (វគ្គទី២) និងមានវគ្គបណ្តុះបណ្តាលជាបន្តបន្ទាប់ទៀត ដើម្បីឲ្យបុគ្គលិកមានចំណេះដឹង និងជំនាញក្នុងការពារ នៅពេលដែលមានហានិភ័យអគ្គីភ័យណាមួយកើតឡើងជាយថាហេតុ។

វគ្គបណ្តុះបណ្តាលស្តីពីរបៀបបង្ការ និងពន្លត់អគ្គីភ័យ វគ្គទី២ ត្រូវរៀបចំនិងបង្ហាត់ដោយលោក ខេ ស៊ី ប្រធានផ្នែកសន្តិសុខ ក្រុមហ៊ុនផ្ទាល់ ដែលមានបុគ្គលិកចូលរួមចំនួន១៥នាក់ មកពីផ្នែកសន្តិសុខទាំងអស់។