អំពីខ្ញុំ

សូមស្វាគមន៍អ្នកទាំងអស់គ្នា! 

ជាដំបូង ខ្ញុំសូមអរគុណជាខ្លាំងចំពោះអ្នកទាំងអស់គ្នា ដែលបានចំណាយពេលវេលាដ៍មានតម្លៃចូលមកអាន​សារ​របស់ខ្ញុំ។​ ខ្ញុំបានចាកចេញពីស្រុកកំណើត នៅពេលដែលខ្ញុំបានបញ្ចប់ការសិក្សា​ថ្នាក់​វិទ្យា​ល័យក្នុងឆ្នាំ១៩៩៨។ ខ្ញុំបានប្រើពេលដ៏យូរឆ្នាំ​ចាប់តាំងពីខ្ញុំបានបញ្ចប់ពីការសិក្សា​​​​នៅ​ថ្នាក់​វិទ្យាល័យ ខំស្វែងរកការងារធ្វើគឺពិតជាលំបាកណាស់ ចង់បានប្រាក់​កម្រៃ​ដើម្បីបន្តការសិក្សាបន្ថែមទៀត។ នេះក៏ដោយសារតែក្រុម​គ្រួសាររបស់ខ្ញុំ គឺហិរញ្ញវត្ថុ​នៅមានកម្រិតទាប ម្លោះហើយក៍បណ្តាលអោយខ្ញុំសម្រេចចិត្តចាកចេញ​ពី​ស្រុក​​កំណើតរបស់ខ្លួន។​ មានក្រុមហ៊ុនជាច្រើនដែលខ្ញុំបានដាក់ពាក្យរកការងារធ្វើ តែមិនដែលបានជាប់ទេព្រោះគេ​​ត្រូវការតែអ្នកមានបទពិសោធន៍​ស្រាប់តែប៉ុណ្ណោះ។

​ខេត្តបាត់ដំបង​...‌​ គឺជាខេត្តមួយដែលខ្ញុំបានសិក្សាវគ្គបណ្តុះបណ្តាលខ្លីៗមួយចំនួន​ដូចជាៈ ភាសា​អង់គ្លេស​ គ្រប់គ្រងទូទៅ គណនេយ្យទូទៅ កុំព្យូទ័រ រដ្ឋបាល កសិកម្ម ពសុព្យាល​​  និងផ្នែកទី​​​​ផ្សា​​​ជាដើម។

ឆ្នាំ២០០០-២០០៣ ខ្ញុំបានទទួលការងារទៀងទាត់មួយ គឺជាបុគ្គលិកមន្រ្តីរដ្ឋបាលបណ្តែតភូមិបាល និងសំណង់​នៅឃុំប៉ោយប៉ែត ស្រុកអូរជ្រៅ ខេត្តបន្ទាយមានជ័យ។​ បើ​យោង​​ទៅតាម​ស្ថានភាពហិរញ្ញវត្ថុ​ដែលខ្ញុំទទួលបាន គឺមិនអាច​ទប់ទល់នឹងតម្រូវការរបស់ខ្លួនបាន​ឡើយ​។ ខ្ញុំបានផ្លាស់​ប្តូរការងាររបស់ខ្ញុំជាថ្មីទៅបម្រើការងារក្នុងកាស៊ីណូនិងសណ្ឋាគាររហូតដល់សព្វថ្ងៃនេះ។

នៅថ្ងៃទី ១៧ ខែ វិច្ឆិកា ឆ្នាំ២០០៩  ខ្ញុំបានបញ្ចប់ការសិក្សារបស់ខ្លួននៅសាកលវិទ្យាល័យស៊ីធី ក្រុង​ភ្នំពេញដោយការប្រឹងប្រែងរកប្រាក់ដោយខ្លួនឯង។ ខ្ញុំមិនទទួល​ការសិក្សាបន្តទៀតឡើយ ដោយសារតែពេលវេលាមមាញឹក សម្រាប់ខ្ញុំ ហើយពេលវេលាវាតែងតែ​ហោះហើរទៅគ្មានត្រឡប់ក្រោយវិញទេ។​ ដូច្នេះបទពិសោធន៍ និងចំណេះ​ដឹងទាំងឡាយដែលខ្ញុំមាន ខ្ញុំតែងតែចែករំលែកទៅកាន់មិត្តរួមការងាររបស់ខ្ញុំ បុគ្គលិករបស់ខ្ញុំ និងអ្នកដទៃទៀត​ ប្រសិន​បើពួកគេត្រូវការ ព្រោះថាទាំងអស់នេះ​ ​គឺដោយសារតែខ្ញុំនឹកទៅដល់​សកម្ម​ភាពពីអតីតកាលរបស់ខ្ញុំ ដែលខ្ញុំបានព្យាយាមយ៉ាងលំបាកកន្លងមក។

ជាទីបញ្ចប់ ខ្ញុំសូមអរគុណម្តងទៀតចំពោះអ្នកទាំងអស់គ្នា និងសូមគោរពជូនពរ ឲ្យជួបប្រទះតែសុខភាពល្អ សំណាងល្អ និងជោគជ័យគ្រប់ភារកិច្ច។

សុខ សក្កដា

ប្រធានគ្រប់គ្រងធនធានមនុស្ស

ហ្គោលដិនហ្កាឡាក់ស៊ី សណ្ឋាគារ​-កាស៊ីណូ

ក្រុងបាវិត ខេត្តស្វាយរៀង

_________________________________________________________________________

Welcome to everyone..!

Thank you very much for your expending your value time reading my blog. It is truly, I left from my homeland when finished high school in 1998. I have been struggling for a long time started I finished from high school. I was finding for a job very hard to get some financial to support my continue study because of my family is too low of financial crises. Many companies that I was interviewed but never pass because they need only the experiences candidate. Battambang province is the one that I studied some short causes over there such as; English, General Management, General Accounting, Computer, Administration, Agriculture, Veterinarian and Marketing.

2000-2003, I got the regular job as Administration Officer in O'chrov Land Title, Urbanization, Construction. According to low financial supporting, I changed my job again to in Casino-Hotel up to now.

November17th, 2009, I released my University at City University by myself of my finance earned. I've got studied not big enough because of time is narrow to me and always fly. Therefore all my experiences and some knowledge, I always share to my co-workers and under staffs, friends and others if they need because of I missed to my past activities that too hard.

Thank you again for your time.

Sok Sakada,

HR Manager

Golden Galaxy Hotel & Casino

Bavet City, Svay Rieng Province