ខេត្ដព្រៃវែង ៖ សមត្ថកិច្ចនគរបាល អង្គភាពជើងទឹក សហការជាមួយនគរបាល ខេត្ដព្រៃវែងបានបើកវង់ល្បែងស៊ីសងខុសច្បាប់នៅក្នុងអង្គភាពចរាចរ ជើងទឹកប្រមូលលុយតុងចែកគ្នាយ៉ាងរីកថ្លើម ។ ទង្វើដែលសមត្ថកិច្ចលួចបើក វង់ល្បែងខុសច្បាប់នៅក្នុងអង្គភាពបែបនេះមិនត្រឹមតែប៉ះពាល់ឬជះ ឥទ្ធិពល អាក្រក់ដល់ស្នងការប៉ុណ្ណោះទេគឺបានប៉ះពាល់យ៉ាងធ្ងន់ធ្ងរដល់ គោលនយោបាយភូមិ-ឃុំមានសុវត្ថិភាពទៀតផង
។
គួរបញ្ជាក់ថា
វង់ល្បែងស៊ីសងខុស ច្បាប់នៅក្នុងអង្គភាពនគរបាលចរាចរ ជើងទឹកមានទីតាំងស្ថិតនៅទល់មុខមន្ទីរពេទ្យបង្អែកអ្នកលឿងក្នុង ទឹកដីឃុំព្រែក ខ្សាយ(ខ)
ស្រុកពាមរក៍ ខេត្ដព្រៃវែង។ ល្បែងស៊ីសងដែលសមត្ថកិច្ចខាងលើបើកឱ្យលេងនោះគឺមាន ឡាស់ស្កា, សាប់ សាម, អ៊ុងឌូធ្វើឱ្យអ្នកញៀនល្បែងក្នុង តំបន់នោះចូលទៅលេងយ៉ាងគគ្រឹក គគ្រេង
ហើយម្នាក់ៗចាញ់រាប់លានរៀល ក្នុងមួយថ្ងៃៗ ។ សំបុកល្បែងស៊ីសងជ្រក ក្រោមដំបូលស្ថាប័នមានសមត្ថកិច្ច បែបនេះធ្វើឱ្យក្រុមអ្នកញៀនល្បែងស៊ីសង ជាច្រើននាក់នៅតំបន់អ្នកលឿងត្រើយ ខាងកើតគ្មានខ្លាចញញើតអ្នកណាម្នាក់
ចូលទៅរំខានឬចាប់ចងនោះទេ ពីព្រោះ បានអង្គុយលេងនៅក្នុងសំបុកខ្លាទៅហើយ មានអ្វីត្រូវព្រួយបារម្ភទៀត ។ សព្វថ្ងៃនេះ អ្នកលេងល្បែងបានកន្លែងអង្គុយលេងមាន ភាពកក់ក្ដៅនាំគ្នាស្រែកហ៊ោកញ្ជ្រៀវ យ៉ាងកងរំពងប៉ះពាល់ការរស់នៅរបស់ ប្រជាពលរដ្ឋក្បែរតំបន់នេះខ្លាំងណាស់
។
ប្រភពព័ត៌មានពីសមត្ថកិច្ចនគរ បាលតូចតាចស្រុកពាមរក៏ម្នាក់បាន
បង្ហើបប្រាប់ឱ្យដឹងថា ការដែលគេបើក លេងល្បែងស៊ីសងខុសច្បាប់ក្នុងអង្គភាពនគរបាលចរាចរជើងទឹកសព្វថ្ងៃនេះ មានប៉ូលិសខេត្ដព្រៃវែងម្នាក់ឈរជើង នៅតំបន់អ្នកលឿងត្រើយខាងកើតឈ្មោះ
ទឹម សុភា ជាអ្នកចាត់ចែងធានាអះអាង
អនុញ្ញាតឱ្យបើកលេងតាមចិត្ដប្រសិន បើស្នងការថ្មីមករំខាន ឬចូលទៅបង្ក្រាបរូបគេ(ទឹម សុភា)ជាអ្នកទទួលខុសត្រូវ។
ក្នុងករណីនគរបាលបង្កព្យុះភ្លៀង បើកលេងល្បែងស៊ីសងខុសច្បាប់នៅក្នុងអង្គភាពយ៉ាងដុះស្លែនាតំបន់ អ្នកលឿងត្រើយ ខាងកើតនេះមិនដឹងថា
លោកស្នងការ ខេត្ដព្រៃវែង វ៉ាន់ សារឿន បានជ្រាប ដែរឬយ៉ាងណានោះទេ ។ ប្រសិនមិនបាន ដឹងកូនចៅខាងក្រោមប្រព្រឹត្ដអំពើផ្ដេសផ្ដាសទេ ស្នើសុំលោកចាត់ការកូនចៅ
ខិលខូចទាំងពីរផ្នែកខាងលើផង ។ បើពុំ នោះទេនឹងជះឥទ្ធិពលអាក្រក់ដល់អង្គ ភាពមិនខាន ៕
ប្រភពៈ នគរវត្ត
No comments:
Post a Comment