ភ្នំពេញ ៖
ទ្រព្យសម្បត្តិ ប្រមាណជិត១លានដុល្លារ ដែលមានគ្រឿងចក្រ
និងដីធ្លីផងនោះ ត្រូវបាន ម្ចាស់ទ្រព្យយកទៅបញ្ចាំ
ដើម្បីដោះទាល់បានមួយគ្រាជាមួយឧកញ៉ាដ៏មានមុខមាត់
ទ្រព្យធន ស្ដុកស្ដម្ភម្នាក់
តែនៅពេលដែល មានប្រាក់ទៅ លោះរបស់មកវិញហើយ
បែរជាមិនមានភាព ចុះសម្រុងគ្នាទៅវិញ
ទើបកើតជារឿងរ៉ាវឈ្លោះគ្នាបែកផ្សែងកើតឡើងតែម្ដង។ប្រភពព័ត៌មានបានឲ្យដឹងថា ជម្លោះនោះកើតឡើងរវាងលោកឧកញ៉ា ឈន សារ៉ាណេ ជាឈ្មួញដ៏មានទ្រព្យស្តុកស្តម្ភ ហើយមានខ្នងបង្អែកជាច្រើនផងនោះ ត្រូវបានរងការចោទប្រកាន់ថា ចង់ស៊ីដាច់ ដីនិងគ្រឿងចក្រជាច្រើន ដែលគេបញ្ចាំ ហើយពេលដែលដើមចោទ ប្តឹងតុលាការ និងនៅពេលចុះអនុវត្តន៍ដីកាសម្រេចការពារ នាព្រឹកថ្ងៃពុធ ទី៣០ ខែតុលា ឆ្នាំ២០១៣ ស្រាប់តែលោកឧកញ៉ាម្នាក់នោះ ប្រមូលយកគ្រឿងចក្រចេញអស់។
លោក ឡេង ច័ន្ទតារា ជាដើមបណ្ដឹងបានរៀបរាប់ថា កាលដើមឡើយ លោក
និងឧកញ៉ាខាងលើនេះ ធ្លាប់ស្គាល់គ្នា និងរកស៊ីជាមួយគ្នាផងដែរ
តែខណៈដែលលោក បានជួបបញ្ហាជីវភាពបន្តិច
បន្តួចលោកក៏បានសម្រេចចិត្ត យកគ្រឿងចក្រ
និងដីមួយចំនួនដែលមានតម្លៃជិតមួយលានដុល្លារអាមេរិក
ទៅបញ្ចាំនៅលោកឧកញ៉ា ដោយមានលក្ខខណ្ឌ
និងកិច្ចសន្យាត្រឹមត្រូវទៀតផង។ លោក បន្តថា
នៅពេលដែលលោកមានប្រាក់បង់សងនិងបង់តាមកិច្ចសន្យាដែលលោក
បានជំពាក់នោះ ទីបំផុតលោកឧកញ៉ាម្នាក់នោះ
មិនព្រមផ្តល់គ្រឿងចក្រឲ្យវិញទេ ថែមទាំងយកគ្រឿងចក្រនោះ
ទៅប្ដូរពណ៌ ដើម្បីបំបាត់ភស្តុតាងទៀតផង។
លោក ឡេង ច័ន្ទតារា បានបញ្ជាក់ថា កាលពីថ្ងៃទី៦ ខែតុលា ឆ្នាំ២០១១ខ្លួន និងឈ្មោះឈន សារ៉ាណេ បានចុះកិច្ចសន្យាគ្នាទិញ និងលក់ឈើអារ ដោយមិនបានចុះកិច្ចសន្យា ពេញលេញនោះទេ ហើយស្រាប់តែឈ្មោះឈន សារ៉ាណេបានប្តឹងទៅតុលាការខេត្តកំពង់ធំ ចំនួនពីរលើក ដើម្បីរក្សាការពារ នូវអចលនវត្ថុ (ដី) និងគ្រឿងចក្រជាច្រើនទៀត ប៉ុន្តែត្រូវបានតុលាការ សាលាដំបូងខេត្តកំពង់ធំ សម្រេចលុបចោល ដោយឲ្យភាគីទាំង២ផ្សះផ្សាគ្នា ដោយតម្រូវឲ្យលោកសងប្រាក់ទៅឈ្មោះ ឈន សារ៉ាណេ ដោយមានកំណត់ថ្ងៃត្រឹមត្រូវ ហើយលោកក៏បានទូទាត់ប្រាក់របស់ខ្លួនទៅ ឲ្យលោកឧកញ៉ា ជាបន្តបន្ទាប់ គិតចាប់តាំងពីការបង្គាប់របស់តុលាការខេត្តកំពង់ធំរហូតមក គឺមានសាច់ប្រាក់ចំនួន៤៩៥.០០០ដុល្លាររួចហើយ។ នៅសេសសល់ប៉ុន្មាន ចាំនិយាយគ្នាបន្តទៀត។ ប៉ុន្តែស្រាប់តែលោក ឧកញ៉ា ខាងលើនេះគេចវេសមិនព្រមជួប ហើយនាំយកគ្រឿងចក្រនោះពីខេត្តកំពង់ធំ ទៅទុកនៅភ្នំពេញទៀតផង។
ពាក់ព័ន្ធនឹងការចោទប្រកាន់នេះ គេហទំព័រកម្ពុជាថ្មីមិនអាចសុំការបំភ្លឺពីលោកឧកញ៉ា ឈន សារ៉ាណេ បានទេនៅព្រឹកថ្ងៃទី៣១ ខែតុលានេះ៕
លោក ឡេង ច័ន្ទតារា បានបញ្ជាក់ថា កាលពីថ្ងៃទី៦ ខែតុលា ឆ្នាំ២០១១ខ្លួន និងឈ្មោះឈន សារ៉ាណេ បានចុះកិច្ចសន្យាគ្នាទិញ និងលក់ឈើអារ ដោយមិនបានចុះកិច្ចសន្យា ពេញលេញនោះទេ ហើយស្រាប់តែឈ្មោះឈន សារ៉ាណេបានប្តឹងទៅតុលាការខេត្តកំពង់ធំ ចំនួនពីរលើក ដើម្បីរក្សាការពារ នូវអចលនវត្ថុ (ដី) និងគ្រឿងចក្រជាច្រើនទៀត ប៉ុន្តែត្រូវបានតុលាការ សាលាដំបូងខេត្តកំពង់ធំ សម្រេចលុបចោល ដោយឲ្យភាគីទាំង២ផ្សះផ្សាគ្នា ដោយតម្រូវឲ្យលោកសងប្រាក់ទៅឈ្មោះ ឈន សារ៉ាណេ ដោយមានកំណត់ថ្ងៃត្រឹមត្រូវ ហើយលោកក៏បានទូទាត់ប្រាក់របស់ខ្លួនទៅ ឲ្យលោកឧកញ៉ា ជាបន្តបន្ទាប់ គិតចាប់តាំងពីការបង្គាប់របស់តុលាការខេត្តកំពង់ធំរហូតមក គឺមានសាច់ប្រាក់ចំនួន៤៩៥.០០០ដុល្លាររួចហើយ។ នៅសេសសល់ប៉ុន្មាន ចាំនិយាយគ្នាបន្តទៀត។ ប៉ុន្តែស្រាប់តែលោក ឧកញ៉ា ខាងលើនេះគេចវេសមិនព្រមជួប ហើយនាំយកគ្រឿងចក្រនោះពីខេត្តកំពង់ធំ ទៅទុកនៅភ្នំពេញទៀតផង។
ពាក់ព័ន្ធនឹងការចោទប្រកាន់នេះ គេហទំព័រកម្ពុជាថ្មីមិនអាចសុំការបំភ្លឺពីលោកឧកញ៉ា ឈន សារ៉ាណេ បានទេនៅព្រឹកថ្ងៃទី៣១ ខែតុលានេះ៕
ប្រភពៈ ភូមិអច្ឆរិយៈ
No comments:
Post a Comment