អ៊ីរ៉ាក់៖ បំផ្ទុះឡាន ស្លាប់ ៥នាក់ និង របួសជាង ២២នាក់

បាដាដ៖ ក្រុមប៉ូលីសនិយាយនៅថ្ងៃអាទិត្យ ទី២៧ ខែតុលា នេះថា ការបំផ្ទុះគ្រាប់បែកជាបន្តបន្ទាប់ បណ្តាលឱ្យ មនុស្ស ៥នាក់ស្លាប់ និងច្រើនជាង ២២នាក់ផ្សេងទៀត បានរងរបួស។ ទីភ្នាក់ងារ ព័ត៌ មានចិនស៊ិនហួរាយការណ៍ឱ្យដឹងថា ការវាយប្រហារដោយគ្រាប់បែកនេះ កើតឡើងនៅម៉ោង៩ ព្រឹក  គ្រាដែលរថយន្តបំផ្ទុះគ្រាប់បែក បានឈប់សំចត នៅទីផ្សារដ៏មមាញឹកនៅក្នុងខណ្ឌ Sabie- al-Bour ភាគជើងទី ក្រុងបាដាដ ដោយសម្លាប់មនុស្សបីនាក់ និង១២នាក់ផ្សេងទៀតរងរបួស។
បន្ទាប់មកទៀត ការបំផ្ទុះគ្រាប់បែករថយន្តបីគ្រឿងផ្សេងទៀត ក៏បានកើតមានផងដែរ ធ្វើឲ្យមាន ភ្ញាក់ផ្អើលពេញ ទីក្រុងតែម្តង។

បេសកកម្មជំនួយអង្គការសហប្រជាជាតិ សម្រាប់អ៊ីរ៉ាក់ បានឱ្យដឹងថា ជនស៊ីវិល ៦ពាន់នាក់ បានស្លាប់ និងមនុស្សប្រមាណ ១៤ពាន់នាក់ផ្សេងទៀត រងរបួសចាប់តាំងពីខែមករា ដល់ខែកញ្ញា ឆ្នាំ២០១៣៕


ប្រភពៈ ដើមអំពិល