បន្ទាយមានជ័យ៖ តបតាមការអំពាវនាវ
របស់ប្រមុខនៃរាជរដ្ឋាភិបាលទាំងពីរ កម្ពុជា-ថៃ
ក្រុមការងារដែលដឹកនាំ ដោយប្រមុខការទូត ទាំងពីរបានបញ្ចប់កិច្ច
ប្រជុំពិភាក្សា ទាំងក្នុងទឹកដីកម្ពុជានិងទឹកដីថៃ
ដោយបានឯកភាពគ្នា ទាំងមន្ត្រីរាជការ និងកងកម្លាំងប្រដាប់អាវុធ
បន្តរក្សាសន្តិភាព និងការអភិវឌ្ឍន៏សេដ្ឋកិច្ច នៅតាមព្រំដែន
កម្ពុជា-ថៃ ជាពិសេសនៅតំបន់ប្រសាទព្រះវិហារ តែម្តង
បើទោះបីតុលាការអន្តរជាតិក្រុងឡាអេ
បានប្រកាសសាលក្រំ យ៉ាងណាក៏ដោយជុំវិញរឿង ប្រសាទព្រះវិហារនាថ្ងៃ
ទី ១១ ខែ វិច្ឆិកា ឆ្នាំ ២០១៣ ខាងមុខ។
នៅវេលាម៉ោងប្រមាណ ៨ និង៣០នាទី ព្រឹក ថ្ងៃទី២៨ ខែតុលា ឆ្នាំ២០១៣ ប្រមុខ
ការទូតកម្ពុជា លោក ឧបនាយករដ្ឋមន្ដ្រី ហោ ណាំហុង និងប្រមុខការទូតថៃលោក
ស៊ូរ៉ាពង្ស តូវិចាក់ឆៃគល់ បានដឹកនាំក្រុម ការ ងារទាំងសងខាង
ជួបប្រជុំនៅជាយដែន ប៉ោយប៉ែត ខេត្ដបន្ទាយមានជ័យ មុននឹងបន្ដ ដំណើរទៅប្រជុំនៅ
ភាគីថៃ ក្នុងស្រុកអារញ្ញ ខេត្ដស្រះកែវ ដើម្បីបន្ដ និងពង្រឹងកិច្ចសហ
ប្រតិបត្ដិការ រវាងប្រទេសទាំងពីរតាម ព្រំដែន មុនថ្ងៃប្រកាសសាលក្រមនៃការបក
ស្រាយសារជាថ្មី ពីសំណាក់តុលាការអន្ដរជាតិ លើសំណុំរឿង ប្រាសាទព្រះវិហារ
ដែលកម្ពុជាបានស្នើឱ្យតុលាការ មួយនេះ បក ស្រាយសាលក្រមសារជាថ្មី ។
នៅក្នុងកិច្ចប្រជុំទាំងនៅជាយដែនប៉ោយ ប៉ែត និងស្រុកអារញ្ញ ខេត្ដស្រះកែវខាងលើ នេះ មានការ អញ្ជើញ ចូលរួមពីប្រធានគណៈ កម្មាធិការព្រំដែនប្រទេសទាំងពីរ អភិបាល ខេត្ដព្រះវិហារ និងអភិ បាលខេត្ដភាគី ថៃជាប់ព្រំដែនព្រមទាំងមេបញ្ជាការយោធាប្រចាំ នៅតំបន់ប្រាសាទព្រះវិហារ ទាំង ពីរភាគីផងដែរ ព្រមទាំង មន្ដ្រីពាក់ព័ន្ធ និងមន្ដ្រីជំនាញ ផ្នែកព្រំដែនជាច្រើននាក់ ។
លោកឧបនាយករដ្ឋមន្ដ្រី ហោ ណាំហុង បានមានប្រសាសន៍ថា ទំនាស់ដីមួយដុំនៅ ប្រាសាទព្រះ វិហារ រវាងកម្ពុជា-ថៃ នឹងត្រូវ បានប្រកាសសាលក្រម ក្រោយការបក ស្រាយរបស់តុលាកា រអន្ដរ ជាតិ នាថ្ងៃទី១១ ខែវិច្ឆិកា ឆ្នាំ២០១៣ ប៉ុន្ដែ ទោះបីលទ្ធផល យ៉ាងណានោះ ភាគីទាំងពីរនៅតែ បន្ដ រក្សាសន្ដិភាពនិងអភិវឌ្ឍន៍ តាមព្រំដែនរវាង ប្រជាជន និងប្រទេសទាំងពីរ ។
លោកឧបនាយករដ្ឋមន្ដ្រី បានលើកឡើង ទៀតថា បញ្ហានេះភាគីទាំងពីរបានប្ដេជ្ញាចិត្ដ ជាមួយគ្នា ពង្រឹង កិច្ចសហប្រតិបត្ដិការកាន់ តែខ្លាំងឡើង ។
លោក ហោ ណាំហុង បានបញ្ជាក់ទៀត ថា ភាគីទាំងពីរនឹងបង្កើតគណៈកម្មការមួយ ដើម្បីប្រជុំ និងផ្សព្វ ផ្សាយដល់ប្រជាពលរដ្ឋ របស់ខ្លួន ជុំវិញនៃការប្រកាសសាលក្រម របស់តុលាការ អន្ដរ ជាតិទីក្រុងឡាអេ ដើម្បី ឱ្យយល់ដឹងកាន់តែខ្លាំងឡើងបើទោះបីតុលា ការអន្ដរជាតិមួយនេះ ប្រកាសលទ្ធផលក្នុងន័យយ៉ាង ណាក៏ដោយនោះ ។
កាលពីថ្ងៃទី២៥ ខែតុលា ឆ្នាំ២០១៣ នៅក្នុងកិច្ចប្រជុំគណៈរដ្ឋមន្ដ្រី សម្ដេចតេជោ ហ៊ុន សែន នាយករដ្ឋ មន្ដ្រីនៃកម្ពុជា បានណែនាំ ដល់កងកម្លាំងប្រដាប់អាវុធទាំងអស់ នៅតាម បណ្តោយ ព្រំដែន កម្ពុជា-ថៃ ថា ទោះជានៅពេលខាងមុខ សេចក្តីសម្រេចរបស់តុលាការអន្តរជាតិក្រុងឡាអេ ដែលនឹងប្រកាស នៅថ្ងៃទី១១ ខែវិច្ឆិកា ឆ្នាំ២០១៣ខាងមុខនេះ មានន័យ យ៉ាងណាក៏ដោយ អំណោយផលដល់ ព្រះរាជាណាចក្រកម្ពុជា ឬក៏ដល់ព្រះរាជាណាចក្រថៃឡង់ដ៍ក៏ដោយ ក៏ “រាជ រដ្ឋាភិបាលទាំងពីរ កម្ពុជា-ថៃ នៅតែប្រកាន់ខ្ជាប់ នូវ ជំហរមិត្តភាព និងសហប្រតិបត្តិការល្អ រវាង រដ្ឋាភិបាលទាំងពីរ កងទ័ពទាំងពីរ និងប្រជាជនទាំងពីរ ហើយ ដាច់ខាតរក្សាឲ្យបាននូវ សុវត្ថភាព សន្តិសុខ និង សន្តិភាព នៅតាមបណ្តោយព្រំដែនកម្ពុជា-ថៃ”៕
ប្រភពៈ ភូមិអច្ឆរិយៈ
No comments:
Post a Comment