​ទៅ​កាប់​ឆ្ការ​ព្រៃ​របស់​ខ្លួន​ប្រទះ​ឃើញ​សាកសព​ស្ត្រី​ម្នាក់​នៅ​ក្នុង​ព្រៃ​ស្បូវ​

ប៉ោយ​ប៉ែ​ត​ ​៖ បុរស​អ្នក​ភូមិ​ម្នាក់ ​បាន​ទៅ​កាប់​ឆ្ការ​ព្រៃ​របស់​ខ្លួន ​នៅ​ព្រៃ​ក្បែរ​ ភូមិ​បាន​ប្រទះ​ឃើញ​សាកសព​ស្ត្រី​ម្នាក់​ មាន​សភាព​ ហើម​ស្អុយ​នៅ​ក្នុង​ព្រៃ​ ស្បូវ​បង្ក​ឲ្យ​មាន ​ការ​ភ្ញាក់​ផ្អើល​ដល់​អ្នក​ភូមិ​មក​ចោម​រោម​មើល​ និង ​បាន​រាយ​ការណ៍​ដល់​សមត្ថ​កិច្ច​ ចុះ​មក​ពិ​និត្យ​ផង​ដែរ​ ​។

ហេតុ​ការ​ភ្ញាក់​ ផ្អើល​ខាង​លើ​នេះ​កើត​ឡើង​កាល​ពី​វេ​លោ​ម៉ោង​៤និង​៣០នាទី​រសៀល​ថ្ងៃ​ទី​៣ ខ​វិ​ច្ឆិ​កា​ ​ឆ្នាំ​២០១៣ ស្ថិត​នៅ​ភូមិ​ទួល​ប្រាសាទ​ ​សង្កាត់​-ក្រុង​ប៉ោយ​ប៉ែ​ត​ ​ខេត្ត​បន្ទាយ​មាន​ជ័យ​ ​។ 

សព​ស្ត្រី​នោះ​ ត្រូវ​បាន​គេ​ស្គាល់​ឈ្មោះ​ ​លី​ ​សាលា​ត​ ​អាយុ​៤៥ឆ្នាំ​ ​រស់​នៅ​ភូមិ​-សង្កាត់​កើត​ហេតុ​ខាង​លើ​ ​មាន​ស្រុក​កំណើត​ភូមិ​-ឃុំ​ក្តុ​ល​ ​ស្រុក​បា​វិល​ ​ខេត្ត​បាត់​ដំបង​ ​មាន​ប្តី​ឈ្មោះ​ ​សន​ ​កុសល​ ​អាយុ​៤៥ឆ្នាំ​ ​រស់​នៅ​ភូមិ​កើត​ហេតុ​ខាង​លើ​ ​។

តាម​ការ​ឲ្យ​ដឹង​ពី​ប្តី​ស្ត្រី​រង​ គ្រោះ​បាន​និយាយ​ថា​ ​ប្រពន្ធ​របស់​គាត់​បាត់​ពី​ផ្ទះ​តាំង​ពី​ថ្ងៃ​ទី​២៤ ខែ​តុលា​ ​ឆ្នាំ​២០១៣មក​ម្ល៉េះ​ ​រហូត​ដល់​ពេល​នេះ​មិន​ដឹង​ថា​ ​គាត់​ស្លាប់​ដោយសារ​មូល​ហេតុ​អ្វី​នោះ​ទេ​ ​។

ប្រជា​ពលរដ្ឋ​ដែល​រស់​នៅ​ក្នុង​មូល​ ដ្ឋា​នខា​ង​លើ​បាន​និយាយ​ថា​ ​ស្ត្រី​រង​គ្រោះ​ស្លាប់​សង្ស័យ​ជា​អំពើ​ឃាតកម្ម​គិត​ទុកជា​មុន​ ​ទើប​បាន​ស្លាប់​នៅ​ក្នុង​ព្រៃ​ដូច្នេះ​ ​។

បច្ចុប្បន្ន​សមត្ថ​កិច្ច​មូល​ដ្ឋា​ន​ និង​មន្ត្រី​ជំនាញ​បាន​ធ្វើ​កោស​ល្យ​វិ​ច័​យ​ ​និង​កំពុង​ស្វែង​រក​ការ​សន្និដ្ឋាន​ជាក់​លាក់​ពី​ការ​ស្លាប់​របស់​ស្ត្រី​ រង​គ្រោះ​ខាង​លើ​ ​៕

 

ប្រភពៈ នគរវត្ត