ភ្នំពេញ ៖ ស្ត្រីប្រកបរបរ រកស៊ីម៉ាស្សា មានរូបឆោមស្រស់ស្អាត បានស្លាប់យ៉ា អាណោចអាធ័មនៅក្នុងផ្ទះ លើគ្រែពូក ដោយសារតែបុរសជាប្តី យកកាំបិតចាក់ និងអារ.កសម្លាប់យ៉ាងឃោឃៅបំផុត បន្សល់ទុកក្មេង កូនប្រុសអាយុ៥ឆ្នាំនៅក្នុងផ្ទះ អង្គុយក្បែរសពម្តាយ។ ចំណែកបុរសជាប្តី ក្រោយពីធ្វើឃាត ប្រពន្ធហើយ បានរត់គេចខ្លួនបាត់។
ហេតុការណ៍ភ្ញាក់ផ្អើល ចំពោះករណីឃាតកម្ម កើតឡើងជាថ្មី ក្នុងភូមិសាស្ត្រខណ្ឌមានជ័យនេះ បានកើតឡើងកាលពីវេលាម៉ោង៩ព្រឹកថ្ងៃទី៣ ខែវិច្ឆិកា ឆ្នាំ២០១៣ នៅផ្ទះជួលក្នុងសំណង់ផ្ទះល្វែងបុរីសូនី ស្ថិតនៅផ្ទះលេខ១២១៥បេ ផ្លូវបេតុង ភូមិឫស្សីទី១ សង្កាត់ស្ទឹងមានជ័យ ខណ្ឌមានជ័យ ។
ស្ត្រីរងគ្រោះមានឈ្មោះ ប៉េង ចិន្តា អាយុ២៥ឆ្នាំ មុខរបរបើកហាងរកស៊ីម៉ាស្សា និងកែសម្ផស្ស មានកូនប្រុសអាយុ៥ឆ្នាំ ។ ចំណែកប្តីដែលសមត្ថកិច្ចអះអាងថាជាឃាតកមានឈ្មោះ អាន សឿន អាយុ៣៣ឆ្នាំ កន្លងមកធ្លាប់ធ្វើការនៅប្រទេសថៃ ។
ករណីឃាតកម្មកើតសាជាថ្មីនៅសង្កាត់ស្ទឹងមានជ័យនេះសមត្ថកិច្ចមិនទាន់សន្និដ្ឋានថា កើតមកពីមូលហេតុអ្វីពិតប្រាកដនោះទេ ប៉ុន្តែតាមការសន្និដ្ឋានជំហ៊ានដំបូងគឺករណីនេះ កើត ឡើងដោយសារការប្រចណ្ឌ ។
តាមប្រភពព័ត៌មានពីអាជ្ញាធរមូលដ្ឋានបានឲ្យដឹងថា នៅព្រឹកថ្ងៃភ្ញាក់ផ្អើល ឳពុកម្តាយស្រី្តរងគ្រោះបានដេកនៅបន្ទប់ខាងក្រោម ហើយស្ត្រីរងគ្រោះ នៅបន្ទប់ជាន់ខាងលើដោយបាត់កូនយូរក៏ឡើងទៅមើលស្រាប់តែឃើញកូនស្រីរបស់ខ្លូនត្រូវប្តីកំណាចចាក់ និងអារ.កស្លាប់នៅលើគ្រែពូក រួចរាយការណ៍ដល់សមត្ថកិច្ចបង្កការភ្ញាក់ផ្អើលតែម្តង ។
តាមការសន្និដ្ឋានក្រៅផ្លូវការ បុរសជាប្តីអាចធ្វើឃាតប្រពន្ធ តាំងពីពាក់កណ្តាលអធ្រាត្ររួចគេច ខ្លួនបាត់ដោយទុកឲ្យកូនប្រុសនៅដេក នៅក្នុងបន្ទប់ជាមួយម្តាយយ៉ាង អាណោចអាធ័ម។ ការកំណត់បានមុខសញ្ញាជនដៃដល់មិនទាន់ដឹងថា នៅពេលណាសមត្ថកិច្ចចាប់ខ្លួនបាននោះទ ។
សូមបញ្ជាក់ថា នេះជាករណីឃាតកម្មមានចរិតឃោឃៅបំផុតកើតឡើងជាលើកជាទី២នៅចុងឆ្នាំ២០១៣ ក្នុងភូមិសាស្ត្រខណ្ឌមានជ័យ ។ លើកទី១ កូនប្រសារថៅកែសំណង់ច្បារអំពៅត្រូវបុរសជាប្តីរៀបផែនការឲ្យសង្សាររបស់ខ្លួនយកកាំបិតចុងស្រួចចូលទៅធ្វើសកម្មភាពចាក់ និងអារកសម្លាប់ក្នុងផ្ទះរបស់ខ្លួន បន្សល់ទុកកូនប្រុសអាយុ៣ឆ្នាំម្នាក់ដេកក្បែរសពម្តាយ កាលពីដើមខែតុលា ឆ្នាំ២០១៣ កន្លងទៅ ប្រមាណជា៤ថ្ងៃក្រោយឃាតកម្ម សមត្ថកិច្ចបានវែកមុខឃាតកជាជនដៃដល់ គឺជាប្តីរបស់នារីរងគ្រោះ ហើយករណីទី២នេះ មានចរិតឃោឃៅដូចករណីទី១ដែរ ។ ប្រជាពលរដ្ឋសង្ឃឹមទៅការស្រាវជ្រាវលើសមត្ថកិច្ចដើម្បីចាប់ខ្លួនឃាតកដៃឆៅចាក់សម្លាប់ប្រពន្ធឯង ៕
ប្រភពៈ នគរវត្ត
No comments:
Post a Comment