ថ្ងៃពុធ ទី២១ ខែសីហា ឆ្នាំ២០១៣ ម៉ោង ០៨:៤៨
 |
ការបែកញើសពេញខ្លួនអាច
នឹងកើតមានក្នុងខណៈ មនុស្សយើង ស្ថិតនៅក្រោមកម្តៅថ្ងៃដែលក្តៅ
ខ្លាំង ប៉ុន្តែបើយោងតាមក្រុមស្រាវជ្រាវ
ការបែកញើសពេញខ្លួនកើតមានក្នុងពេលហាត់ប្រាណ
ឬធ្វើសកម្មភាពរាងកាយណាមួយ
អាចផ្តល់អត្ថ ប្រយោជន៍ ដល់សុខភាពមនុស្សយើងយ៉ាងច្រើន ឥតគណនា។
ក្រុមអ្នកវិទ្យាសាស្ត្របានរកឃើញថា
បណ្តាជនដែលមិនធ្វើសកម្មភាពរាងកាយ២០ភាគរយ
ប្រឈមទៅនឹងការកើតជំងឺStroke ឬ Mini-Stroke
ធៀបទៅនឹងបណ្តាជនដែលធ្វើសកម្មភាពរាងកាយជាមធ្យមល្មមនឹង
ចេញញើស
មានដូចជាការហាត់ប្រាណយ៉ាងតិច៤ដងក្នុង១សប្តាហ៍ជាដើម ។
ទោះជាយ៉ាងណាក្តី
ការសិក្សាលើកនេះដែលបានពិសោធលើជនជាតិអាមេរិកជាង
២៧.០០០នាក់ និងប្រើពេលអស់ជិត៦ឆ្នាំនោះ
មិនបានបង្ហាញភស្តុតាងឱ្យបានច្បាស់លាស់ទៅលើ
ស្ត្រីដូចជាបុរសនោះទេ ។
អ្នកនិពន្ធអត្ថបទស្រាវជ្រាវ
វេជ្ជបណ្ឌិត Michelle McDonnell
សាស្ត្រាចារ្យវិទ្យាសាស្ត្រសុខាភិបាលនៅសាកលវិទ្យាល័យSouth
Australia បានថ្លែងថា ៖ «
អត្ថប្រយោជន៍កាត់បន្ថយហានីភ័យពីជំងឺ Stroke
បានមកពីសកម្មភាពរាងកាយជាប់ពាក់ព័ន្ធនឹងការធ្វើឱ្យថយចុះ
នូវការប្រឈមផ្សេងៗទៀតផងដែរ។
ពិតណាស់ការហាត់ប្រាណជួយកាត់បន្ថយអត្រា ប្រឈមនឹងជំងឺទឹកនោមផ្អែម ។ ប្រសិនជាហាត់ប្រាណមានអត្ថប្រយោជន៍ដូចជាឱសថបែបនេះ គេគួរតែចាប់យកវាដើម្បីព្យាបាលជំងឺ៤ទៅ៥មុខ ផ្សេងៗទៀត »៕
អត្ថបទនេះ ៖ ដកស្រង់ចេញពីគេហទំព័រកោះសន្តិភាព
http://kohsantepheapdaily.com.kh/article/78662.html
No comments:
Post a Comment