ថ្ងៃចន្ទ ទី១៦ ខែកញ្ញា ឆ្នាំ២០១៣ ម៉ោង ០៩:០០
 |
កោះសន្តិភាព
ក្រុមបាតុករប៉ះទង្គិចគ្នាជាមួយ សមត្ថកិច្ចស្លាប់ម្នាក់ និងរបួសជាច្រើននាក់នៅស្ពានអាកាសក្បាលថ្នល់យប់មិញ |
រាជធានីភ្នំពេញ៖ ក្រុមបាតុករបានប៉ះទង្គិចគ្នាជាមួយសមត្ថកិច្ចនៅស្ពានអាកាស ក្បាលថ្នល់
កាលពីវេលាម៉ោង៦ល្ងាចថ្ងៃទី១៥ កញ្ញា ខណៈពួកគេនាំគ្នាសម្រុករុះរើរបាំងលួស ដែលសមត្ថកិច្ចដាក់រារាំង
ដោយខ្លះមានកាន់ដាវសាមូរ៉ៃ រហូតធ្វើឱ្យសមត្ថកិច្ចបង្ខំចិត្តបាញ់គ្រាប់បែកផ្សែងបំបែកហ្វូងបាតុករ។ ហេតុការណ៍នេះបង្កឱ្យមានការកកស្ទះចរាចរណ៍ជាច្រើនម៉ោង ហើយគេសង្កេតឃើញអ្នកដំណើរខ្លះ បានចុះចោលរថយន្តរត់គេចខ្លួនរកកន្លែងសុវត្ថិភាព។ បើតាមប្រភពព័ត៌មានថារហូតដល់វេលាម៉ោងជាង១០យប់ ការប៉ះទង្គិចគ្នារវាងក្រុមបាតុករ និងសមត្ថកិច្ចកាន់តែក្តៅគគុក រហូតមានការផ្ទុះអាវុធកើតឡើងធ្វើឱ្យបាតុករម្នាក់ស្លាប់ និងជាច្រើននាក់ទៀតរងរបួស។
ប្រភពខ្លះអះអាងថា បើក្រុមបាតុករហក់ខ្លាំងត្រូវខ្លាំង បើហក់តិចត្រូវតិច។ អ្នកស្លាប់ឈ្មោះសុខ ចាន់ អាយុ៣៩ឆ្នាំ ត្រូវមួយគ្រាប់ចំក្បាលស្លាប់នៅនឹងកន្លែង
ហើយក្រោយពីកើតហេតុ សពត្រូវក្រុមគ្រួសារយកទៅធ្វើបុណ្យតាមប្រពៃណី៕
No comments:
Post a Comment