កែប
៖
នៅពេលថ្មីៗនេះ មានលេចលឺរឿងមិនប្រក្រតីមួយ ក្នុងរង្វង់ប៉ូលិស
ផ្នែកសន្តិសុខនៃស្នងការដ្ឋាន នគរបាលខេត្តកែប លើករណីមេកើយប្រើ
អំណាចព្រៃផ្សៃមកលើ មន្ត្រីនគរ បាល ដោយវាយដំ ទាត់ធាក់តាម អំពើចិត្ត
ព្រោះតែ ខឹងនឹងមន្ត្រីរបស់ខ្លួន អនុវត្តការងារ ខុសជំនាញ។
តាមប្រភពពីមន្ត្រី
នគរបាលខេត្តកែប បានឲ្យដឹងថា កាលពីវេលាម៉ោង ប្រ ហែល២០យប់
ថ្ងៃទី២៤ខែតុលា ឆ្នាំ២០១៣ នៅមុខស្នងការដ្ឋាននគរបាលខេត្តកែប
ស្ថិតក្នុងភូមិកែប សង្កាត់កែប ក្រុងកែប
មានកើតហេតុការណ៍គ្រោះថ្នាក់ចរាចរមួយបណ្តាលឲ្យមនុស្ស២នាក់រងរបួស
ខណៈនោះក៏មានមន្ត្រីប៉ូលិសម្នាក់ឈ្មោះ ទុយ ទីន
មានឋានន្តរសកិ្តអនុសេនីយ៍ឯក (សកិ្ត៣) ជា
មន្ត្រីចំណុះរបស់ការិយាល័យសន្តិសុខ
ចុះអន្តរាគមន៍ជាមួយមន្ត្រីនគរបាល ក្នុងអង្គភាព
ជាច្រើនទៀតដើម្បី
ជួយសង្គ្រោះ ក្នុងគោលបំណងនាំជនរងគ្រោះទៅកាន់មន្ទីរពេទ្យ
ប៉ុន្តែពេលនោះស្រាប់តែលេចមុខលោកសកិ្ត៥ ឈ្មោះ ញ៉ែម ខន
ស្នងការរងទទួលផ្នែកសន្តិសុខ មកដល់កន្លែងកើតហេតុ
ហើយស្តីបន្ទោសដល់លោក ទុយ ទីន ថា "ហ្អែងមកធ្វើអី? ហ្អែងចេញពីទីនេះឲ្យឆាប់. មិនមែនជាភារកិច្ចហ្អែងទេ" ស្របគ្នានោះ ទុយ ទីន ដែលជាកូនចៅក៏បានឆ្លើយថា "មកជួយអ្នករបួស" គ្រាន់តែនិយាយពាក្យហ្នឹងភ្លាមស្រាប់តែលោកសកិ្ត៥បានផ្ទុះកំហឹងដោយបានទះ វាយលោកទុយ ទីន ២.៣
ដៃផ្ទួនៗគ្នាតែម្តង។
ឃើញហេតុការណ៍បែបនេះមន្ត្រីនគរបាលម្នាក់ទៀតបានចូលទៅឃាត់
ហើយនាំយកលោកសក្តិ៣ ទុយ ទីន ចូលទៅក្នុងអង្គភាពវិញ។
ជាមួយគ្នានេះដែរលោកសក្តិ៥ក៏ដើរតាមពីក្រោយរួចធាក់មន្ត្រី
ប៉ូលិសសក្តិ៣ក្រោមឱវាទខ្លួន២.៣
ជើងបន្ថែមទៀត
រហូតដល់មានការស្រែកអន្តរាគមន៍ពី មន្ត្រីនគរបាលផ្សេងៗទៀតដែលកំពុង
ប្រចាំការក្នុងអង្គភាព ទើបលោកស្នងការរង ញ៉ែម ខន ថយចេញទៅបាត់
ដោយមិនចាប់អារម្មណ៍នឹងកូនចៅខ្លួនដែលកំពុងរងរបួសស្នាមដោយសារ
ស្នាដៃលោកនោះឡើយ។
ប្រភព
ដដែលបានបញ្ជាក់ថា
ការប្រើអំណាចព្រៃផ្សៃមកលើកូនចៅខ្លួនមិនមែនជាលើកទី១នោះទេ
គឺច្រើនដង ច្រើនលើកមកហើយ ដែលលោកសកិ្ត៥ និង
បក្ខពួកតែងតែប្រព្រឹត្តមកលើកូនចៅ (គិតទាំងថ្នាក់ដឹកនាំកងកំលាំងផង) ព្រោះតែ
ខ្លួនគាត់ចង់បង្ហាញឲ្យគេឯងថា គាត់ជាស្នងការរងនគរបាលខេត្តកែប
ជាអ្នកមានអំណាចខ្លាំងពុំដែលខ្លាចញញើតអ្នកណាឡើយ។
ប្រភពពីនគរបាលដដែលបានបន្តថា
ចាប់តាំងពីពេលកើតបញ្ហារហូតមកទល់ថ្ងៃនេះ
គេពុំទាន់ឃើញលោកសក្តិ៥ញ៉ែម ខន
ទៅសាកសួរជនរងគ្រោះដើម្បីសម្រុះសម្រួលអ្វីឡើយ
ហើយករណីនេះក៏
មិនទាន់ឃើញមានចំណាត់ការពីសំណាក់លោកស្នងការនគរបាល
ខេត្តកែបនៅឡើយដែរ។
ចំពោះករណីប្រើហឹង្សាដោយខុសច្បាប់ខាងលើនេះ
ជនរងគ្រោះសំណូមពរយ៉ាងទទូចឲ្យ អគ្គស្នងការនគរបាលជាតិមានការ
ត្រួតពិនិត្យនិងមានវិធានការម៉ឺងម៉ាត់ចំពោះមន្ត្រីជជុះបែបនេះ
ព្រោះថានេះជាសតវត្សរ៍ទី២១ហើយមិនគួរទុកឲ្យមានមនុស្សល្ងិតល្ងង់
គ្មានសមត្ថភាព គ្មានសីលធម៌
បែបនេះនៅដឹកនាំអង្គភាពជំនាញមួយបន្តទៀតទេ
ពីព្រោះត្រីស្អុយ១ក្បាល
អាចធ្វើឲ្យត្រី១កន្ត្រកស្អុយទាំងអស់បាននោះអី!!ហើយ
នេះជាសកម្មភាពប្រឆាំង យ៉ាងធ្ងន់ធ្ងរគោលនយោបាយរបស់រាជរដ្ឋាភិបាល
និង ប្រសាសន៍សម្តេចនាយករដ្ឋមន្ត្រី ហ៊ុន សែន
ដោយចំហដែលមិនអាចអត់ឱនឲ្យបានឡើយ។
ទាក់ទិន
នឹងករណីប្រើអំណាចព្រៃផ្សៃមកលើមន្ត្រីប៉ូលិសក្រោមឱវាទនេះដែរ
នៅរសៀលថ្ងៃទី២៨ខែតុលា ឆ្នាំ២០១៣នេះកម្ពុជាថ្មី
មិនអាចសុំការបកស្រាយណាមួយពីលោកសកិ្ត៥ ញ៉ែម ខន
ស្នងការរងទទួលផែនសន្តិសុខនៃស្នងការដ្ឋាននគរបាលខេត្តកែប បានឡើយ៕
ប្រភពៈ កម្ពុជាថ្មី
No comments:
Post a Comment