ខេត្ដកំពង់ស្ពឺ ៖ ក្រុមអ្នករត់តាក់ស៊ីក៏
ដូចជាក្រុមអ្នករត់ រ៉ឺម៉កម៉ូតូ ធ្លាប់បានរិះគន់ធ្ងន់ៗ ដល់ក្រុម
អ្នកទារលុយ ចំណតរថយន្ដ ផ្សារកំពង់ស្ពឺថាបានប្រើកម្លាំង ជាច្រើនក្រុមចាំជំរិតទារ
លុយពីពួកគាត់ដែល មានមុខរបរដឹកភ្ញៀវ ចេញចូលផ្សារបើ
ទោះបីជាពួកគាត់ បានដាក់មនុស្សតាមផ្លូវក៏ដោយក៏ក្រុមអ្នកទារលុយ
ចំណត រថយន្ដនៅតែទាមទារ ឱ្យពួកគាត់បង់
លុយឱ្យគេថ្លៃចំណតរថយន្ដ ដដែលតែ មកដល់ពេលនេះពួកគេកាន់តែបង្កើន
កំលាំងថែមទៀត ដោយមិនញញើតច្បាប់បន្ដិចសោះ ។
កន្លងមក បងប្អូនដែលជាអ្នករត់រ៉ឺម៉ក ម៉ូតូរស់នៅភូមិព្រៃកោះ និងភូមិវល្លិស បានទូរស័ព្ទមកប្រាប់ថា សព្វថ្ងៃពួកគាត់ មានការធុញទ្រាន់ នឹងក្រុមអ្នកយាម ចំណតរថយន្ដផ្សារកំពង់ស្ពឺដែលបានចែក គ្នាជាច្រើនកន្លែងតាំងពីមុខផ្សាររហូត ដល់ផ្លូវចូលអំពែភ្នំនិងបានឃាត់ពួក គាត់ពិនិត្យមនុស្សដែលជិះរាប់ចំនួន យកលុយជារៀងរាល់ថ្ងៃ។ប្រភពបានបន្ដថាប្រធានចំណតរថយន្ដដេញបានហើយ
កន្លងមកអ្នកចាំយកលុយមានតែមួយកន្លែងទេតែមកដល់ពេលនេះមានរហូត ៣កន្លែងគឺនៅមុខផ្សារមួយកន្លែងនៅច្រមុះ ជ្រូកមួយកន្លែងនិងនៅមុខផ្លូវចូលរមណីយ ដ្ឋានអំពែភ្នំមួយកន្លែងទៀតហើយក្នុង មួយកន្លែងៗមិនឆ្ងាយលើសពីគ្នា៥០០ ម៉ែត្រទេ ។ បើតាមការទម្លាយឱ្យដឹងពី អាជ្ញាធរដែលសុំមិនប្រាប់ឈ្មោះថា រឿងដេញថ្លៃចំណតរថយន្ដនេះមិនមែនជា សមត្ថកិច្ចរបស់សាលាក្រុងច្បារមនទេគឺជាសមត្ថកិច្ចសាលាខេត្ដហើយកន្លង មកក៏គ្មានច្បាប់ណាអនុញ្ញាតឱ្យដើរយកលុយស្រេចតែចិត្ដបែបនេះដែរ ។
ប្រភពបាន
បន្ដថាបើហ៊ានធ្វើបែបនេះ
វាស្មើនឹងការដាក់កុងត្រូលជជុះដែលរាជរដ្ឋាភិបាលបានហាមដាច់ខាតហើយទ
ង្វើ
នេះបានធ្វើឱ្យប៉ះពាល់ដល់សតិអារម្មណ៍បងប្អូនដែលមានមុខរបររត់រ៉ឺ
ម៉កដឹក មនុស្សដែលរកព្រឹកខ្វះល្ងាច ខណៈដែល
រត់មួយជើងនៅសល់ប្រាក់ត្រឹម១០.០០០ រៀលតែប៉ុណ្ណោះ ។
អ្នកមាន មុខរបរខាងលើបានបញ្ជាក់ថា សុំឱ្យអាជ្ញាធរពាក់ព័ន្ធរបស់ខេត្ដ កំពង់ស្ពឺ មេត្ដាពិនិត្យរឿងនេះឡើងវិញ បើមិនអាចដកក្រុមអ្នកចំណតរថយន្ដ នេះបានទេក៏គួរតែកែតម្រូវឱ្យពួកគេ យកលុយត្រឹមកន្លែងមុខផ្សារបានហើយ ព្រោះមានម៉ូយខ្លះគាត់មិនមានពាក់ព័ន្ធនឹងការធ្វើដំណើរឡើងរថយន្ដ ឬរ៉ឺម៉កនៅមុខផ្សារទេគាត់ឈរចាំនៅតាមផ្លូវកុំរាប់ មនុស្សយកលុយដូចរាប់មាន់ទាពេក ។
ពេលនេះ ពួកគាត់សុំជាលើកទី២ឱ្យ លោកអភិបាលខេត្ដថ្មីសើរើរឿងនេះឡើងវិញព្រោះវាបានធ្វើឱ្យខុសឆ្គង យ៉ាងធ្ងន់ធ្ងរ ដល់សេវាសាធារណៈនិងមិនសមភ្នែក ភ្ញៀវទេសចរដែលធ្វើឱ្យប៉ះពាល់បន្ថែម ទៀតដល់ការអនុវត្ដគោលនយោបាយ កាត់បន្ថយភាពក្រីក្ររបស់រាជរដ្ឋាភិបាល ហើយបានជះឥទ្ធិពលមិនល្អដល់កេរ្ដិ៍ឈ្មោះ ខេត្ដដែលទើបទទួលបានរង្វាន់កិត្ដិយស ផ្នែកសេវាសាធារណៈនាពេលកន្លងទៅ ហើយពួកគាត់រង់ចាំមើលចំណាត់ការ របស់អាជ្ញាធរបន្ដទៀត ៕
ប្រភពៈ នគរវត្ត
No comments:
Post a Comment