វាគឺជាទស្សនៈ ដ៏ពេញដែលថា
ការដែលមានអាយុកាន់តែច្រើន នាំអោយថយចុះ ចំណង់ផ្លូវភេទ
ព្រមទាំងភាពស្រណុក សុខស្រួលខាងជីវិតផ្លូវភេទ របស់បុរស។
ទោះបីជាយ៉ាងណាក៏ដោយ វាមិនមែនជាការពិតទេ។
ការដែលមានអាយុច្រើនអាចជាកត្តាមួយនៃជីវិតផ្លូវភេទដែលមិន
សប្បាយចិត្តប៉ុណ្ណោះ ប៉ុន្តែមានហេតុផលជាច្រើនផ្សេងៗទៀត
ដែលធ្វើអោយ ជីវិតផ្លូវភេទរបស់បុរសមិនសប្បាយដែរ។
មូលហេតុសំខាន់ៗមួយចំនួនរបស់វាមានដូចជា៖
បាត់បង់ចំណង់ផ្លូវភេទ
ការបាត់បង់ចំណង់ផ្លូវភេទរបស់បុរស គឺជារឿងមួយមិនកើតមានជាញឹកញាប់ទេ នេះបើយើងប្រៀបធៀបជាមួយមនុស្សស្រី
ប៉ុន្តែការងាប់លិង្គ ច្រើនតែជាបញ្ហាកើតមានជាញឹកញាប់ចំពោះបុរស
ហើយក៏ជារឿងដែលកើតមានច្រើនជាងបញ្ហាផ្លូវភេទរបស់ស្ត្រីដែរ។
ការបាត់បង់ចំណង់ផ្លូវភេទមិនមែនមានន័យថាសមត្ថភាពក្នុងការរួមភេទ
របស់បុរសត្រូវអន់ខ្សោយនោះទេ
ប៉ុន្តែគ្រាន់តែចំណង់ផ្លូវភេទមិនទាន់កើតមានប៉ុណ្ណោះ។
ចំណង់ផ្លូវភេទចុះខ្សោយ
ឬបាត់បង់ចំណង់ផ្លូវភេទអាចទាក់ទងគ្នានឹងបញ្ហាផ្លូវកាយ, ផ្លូវចិត្ត
និងមូលហេតុចិត្តសាស្ត្រជាច្រើនទៀត ប៉ុន្តែជីវិតផ្លូវភេទ
ឬទំនាក់ទំនងដែលមិនសប្បាយរីករាយមិនអាចចៀសផុតបាននោះទេ។
បញ្ហាផ្លូវកាយដែលធ្វើអោយបាត់បង់ចំណង់ផ្លូវភេទអាចជាការផឹកស្រា,
ប្រើថ្នាំច្រើន, ធាត់ជ្រុល (កត្តាសំខាន់), មានជំងឺស្លេកស្លាំង,
កង្វះអ័រម៉ូនតេស្តូស្តេរ៉ូន (កម្របំផុត), ឬជំងឺទឹកនោមផ្អែម។
មូលហេតុផ្លូវចិត្ត ឬចិត្តសាស្ត្រមួយចំនួនអាចជាការបាក់ទឹកចិត្ត,
ស្ត្រេស, ខំធ្វើការខ្លាំងពេក, ការចងចាំមិនល្អកាលពីកុមារភាព,
បញ្ហាទំនាក់ទំនងជាមួយឪពុកម្តាយ និងផ្លូវភេទ។
ងាប់លិង្គ
ជាមួយនឹងការចាស់ទៅតាមអាយុ ការងាប់លិង្គរបស់បុរស ក្លាយទៅជារឿងមួយកើតមានយ៉ាងញឹកញាប់ជាងគេ។ ងាប់លិង្គមានន័យថា ជាការបាត់បង់សមត្ថភាពបង្កើត និងរក្សាការរឹងរបស់លិង្គសម្រាប់ការរួមភេទ។ ដោយសារតែការងាប់លិង្គនេះ បុរសត្រូវការចំណាយពេលច្រើនជាងធម្មតាដើម្បីអោយលិង្គនោះរឹងបាន។ ការឡើងរឹងរបស់លិង្គមិនសំខាន់ថាវារឹងល្មម ឬរឹងហើយធំដូចកាលដែលធ្លាប់មានពីមុនមកឡើយ។ ក្រោយពីទទួលបានចំនុចកំពូលក្នុងពេលរួមភេទរួច ការបាត់បង់ភាពរឹងរបស់លិង្គ អាចមានល្បឿនលឿន។ ការឡើងរឹង របស់លិង្គមួយផ្សេងទៀតប្រហែលជាត្រូវការពេលច្រើនជាងពេល ដំបូងដែរ។ ករណីងាប់លិង្គមិនមែនជាបញ្ហាធ្ងន់ធ្ងរទេ ជាពិសេសក៏មិនមែនជាបញ្ហាទាក់ទងនឹងវិទ្យាសាស្ត្រ វេជ្ជសាស្ត្រដែរ ប៉ុន្តែបើសិនជាវាកើតឡើងច្រើនដង អ្នកគួរតែទៅពិគ្រោះជាមួយគ្រូពេទ្យដើម្បីទទួលបាននូវការណែនាំដ៏ ត្រឹមត្រូវ។
ផ្លូវចិត្តមិននឹងនរ
ការអតុល្យភាពផ្លូវចិត្តចំពោះទំនាក់ទំនង ឬក្នុងគ្រួសារ ក៏អាចបណ្តាលអោយជីវិតផ្លូវភេទមិនសប្បាយដែរ។ ការមិនពេញចិត្តចំពោះទំនាក់ទំនងមួយអាចធ្វើអោយស្ត្រេស, ផឹតក្បត់, ស៊ាំចិត្ត។ល។ ដែលវានាំអោយមានឥទ្ធិពលទៅលើជីវិតផ្លូវភេទ។ ការផ្លាស់ប្តូរផ្លូវអារម្មណ៍ដោយសារតែបញ្ហាគ្រួសារ ឬមនុស្សជាទីស្រឡាញ់ស្លាប់សុទ្ធតែមូលហេតុជាទៀងទាត់នៃការរំខានដល់ ជីវិតផ្លូវភេទរបស់បុរស។ នៅពេលបុរសម្នាក់មានភាពច្របូកច្របល់ខាងផ្លូវចិត្ត ចំណាប់អារម្មណ៍ខាងផ្លូវភេទនឹងត្រូវថយចុះ។ គេមិនអាចធ្វើទំនាក់ទំនងយ៉ាងស្និទ្ធស្នាល, បង្កើតស្នេហា និងតណ្ហាក្នុងពេលរួមភេទបានឡើយ។
មានជំងឺ
ជំងឺមួយចំនួន, ការពិការភាព, ការប្រើថ្នាំ និងការវះកាត់អាចប៉ះពាលដល់សមត្ថភាព ឬចំណង់ផ្លូវភេទរបស់បុរសបាន។ ជំងឺដូចជា ទឹកនោមផ្អែមធ្វើអោយបុរសមួយងាប់លិង្គបាន ហើយក៏ជាហេតុផលដ៏ធំបំផុតមួយធ្វើអោយជីវិតផ្លូវភេទមិនសប្បាយរីករាយ ផងដែរ។ ពេលខ្លះ ជំងឺដូចជា ការលេចទឹកនោមដោយមិនដឹងខ្លួន កើតឡើងទៅតាមអាយុកាន់តែច្រើន ដូច្នេះហើយវានឹងពិបាកដល់ការរួមភេទខ្លាំងណាស់ ព្រោះត្រូវបន្ថែមសម្ពាធនៅលើក្បាលពោះ ក្នុងពេលរួមភេទអាចនាំអោយលេច នោម និងបំផ្លាញដល់ការរួមភេទទៀត។ ការលេចនោមដោយមិនដឹងខ្លួនអាចចៀសវាងបានតាមរយៈការផ្លាស់ប្តូរ ក្បាច់រួមភេទ។ ប៉ុន្តែបញ្ហានេះអាចព្យាបាលបានទេ៕
No comments:
Post a Comment