បាត់ដំបង ៖
បុរសម្នាក់ ខឹងប្រច័ណ្ឌប្រពន្ធ ជាមួយប្រុសផ្សេង បានប្រើកាំបិតកាប់
និង អារកផ្តាច់បំពងខ្យល់ស្លាប់
ពេលនាងកំពង់ រើសអង្ករដាំបាយកាលពីម៉ោង ៨ព្រឹក ថ្ងៃទី២៩ខែតុលា
ឆ្នាំ២០១៣ ស្ថិតក្នុងភូមិស្នួលកោង ឃុំបឹងព្រីង ស្រុកថ្មគោល
ខេត្តបាត់ដំបង។ លោកហៀងប៊ុនថា អធិការរងស្រុកថ្ម គោលបានអោយ ដឹងថា
បុរស សង្ស័យដែលសមត្ថកិច្ច ឃាត់ខ្លួនមានឈ្មោះសួន រី អាយុ២៨ឆ្នាំ
កម្មករសិប្បកម្មលូរស់នៅកន្លែងកើតហេតុ។វត្ថុតាងដកហូតបានមាន
កាំបិតប្រឡាយតាត់ប្រវែង៧តឹក។ ជនរងគ្រោះឈ្មោះសល់ សឿត
អាយុ២៨ឆ្នាំ
ជាប្រពន្ធជនល្មើស។
សាក្សីជាឪពុកក្មេកសពបាននិយាយថា
មុនពេលកើតហេតុ២នាក់ប្តីប្រពន្ធ មិនមានឈ្លោះគ្នាទេ
ពេលគាត់មក ពីចំការវិញចូលក្រោមផ្ទះមានឈាមស្រក់ពីលើផ្ទះពេលខ្លួន
ឡើងលើផ្ទះឃើញកូនប្រសា ដេកស្លាប់ក្នុងថ្លុកឈាមហើយកូនបង្កើតជា
ជនល្មើសក៏នៅក្បែរសពដែរនិងដុតធូបបន្ទាប់ខ្លួនឆ្ងល់ក៏រាយការណ៍
ជូនសមត្ថកិច្ចមករកខុសត្រូវតែម្តង លោកបានបញ្ជាក់ថា
បុរសសង្ស័យធ្លាប់ប្រើប្រាស់ថ្នាំសរសៃប្រាសាទ។បុរសសង្ស័យឈ្មោះ
សួន រី បានសារភាពថា
ខ្លួនបានទៅចាក់លូអោយគេនៅភូមិល្វា ទើបមកផ្ទះបានចំនួន៣ថ្ងៃក៏
កើតរឿងខឹងប្រច័ណ្ឌប្រពន្ធច្រើនករណីទើបទ្រាំមិនបានរហូតទាញកាំបិត
កាត់កនាងរួចអាករបន្ថែមផ្តាច់បំពងខ្យល់ រហូតដល់ស្លាប់តែម្តង។
លោកហៀង ប៊ុនថា អធិការរងស្រុកថ្មគោលបានបញ្ជាក់ថា
បុរសសង្ស័យសមត្ថកិច្ចកំពង់សាកសួរបន្ថែមនិងរៀបចុះកសាងសំណុំរឿង
បញ្ជូនទៅស្នងការរដ្ឋាននគរបាលខេត្តចាត់ការតាមផ្លូវច្បាប់៕
ប្រភពៈ ភូមិអច្ឆរិយៈ
No comments:
Post a Comment