កូរ៉េខាងត្បូង បានស្នើដល់អាមេរិក ផ្ដល់ជំនួយពិតថា
តើប្រធានាធិបតីកូរ៉េខាងត្បូង លោកស្រី Park Geun Hye
ស្ថិតក្នុងបញ្ជី មេដឹកនាំទាំង៣៥ប្រទេស ដែលត្រូវ
ក្រសួងចារកិច្ច អាមេរិកNSA លួចស្ដាប់ដែរឬទេ? សារព័ត៌មានយ៉ុន
ហាប់ បានផ្សព្វផ្សាយថា រដ្ឋាភិបាលកូរ៉េខាងត្បូងកំពុង
តាមដាន យ៉ាងយកចិត្ដទុកដាក់ពីសកម្ម ភាពខាងលើ
និងមានប្រតិកម្មឱ្យបាន សមស្របទៅ នឹងសកម្មភាពទាំងនោះ ។
កាលពីថ្ងៃទី២៥
ខែតុលា សារព័ត៌មានហ្គាដៀន
របស់អង្គគ្លេសបានផ្សព្វផ្សាយថា NSA របស់អាមេរិកបានលួច
ស្ដាប់ការសន្ទនាតាមទូរស័ព្ទរបស់មេ
ដឹកនាំចំនួន៣៥ប្រទេសនៅជុំវិញពិភពលោក ។
ហេតុការណ៍ខាងលើបានបែក ធ្លាយដោយសារតែអតីតបុគ្គលិកក្រុម
ចារកម្មអាមេរិកដែលភៀសខ្លួនទៅរស់
នៅក្នុងប្រទេសរុស្ស៊ីបានទម្លាយជាសាធារណៈ ។
ចំពោះការខឹង សម្បារបស់សហគមន៍អន្ដរជាតិ សេតវិមានក៏បានប្រកាសផងដែរថា អាមេរិកបានយកចិត្ដទុកដាក់ និងស្ដាប់អ្វីដែលបណ្ដាប្រទេសប្រតិកម្ម ហើយអាមេរិកនឹងត្រួតពិនិត្យឡើងវិញ ពីគោលនយោបាយប្រមូលព័ត៌មាន របស់ក្រុមចារកម្មជាតិ ។
នៅក្នុងព្រឹត្ដិ ការណ៍មួយផ្សេងទៀត ដែលពាក់ព័ន្ធនោះផងដែរ ពលរដ្ឋអាមេរិករាប់ពាន់នាក់មកពីអង្គការសិទ្ធិសេរី ភាពបាននាំគ្នាដង្ហែក្បួនធ្វើបាតុកម្មនៅទី ក្រុងវ៉ាស៊ីនតោនពីកម្មវិធីស៊ើបអង្កេតរបស់អាមេរិក ហើយបានអំពាវនាវឱ្យរដ្ឋាភិបាលបញ្ឈប់សកម្មភាពស៊ើប អង្កេតពាសវាលពាសកាល។ គោលដៅនៃការធ្វើបាតុកម្មនោះបានអំពាវនាវ ដល់រដ្ឋសភាអាមេរិកអនុម័តច្បាប់ រារាំងសកម្មភាពស៊ើបអង្កេតគ្រប់ទិសទី របស់ក្រសួងចារកិច្ចអាមេរិក ។
ការធ្វើបាតុកម្ម កើតឡើងក្រោយ ពេលការខិតខំមិនទទួលបានលទ្ធផល កាលពីខែកក្កដា កន្លងមកដើម្បីបង្កើត ច្បាប់រារាំងក្រុម NSA និងក្រុមចារកម្ម ដទៃទៀតប្រមូលព័ត៌មានឯកជន ។ ពលរដ្ឋអាមេរិកចាត់ទុកថា កម្មវិធីស៊ើប អង្កេតរបស់NSA ស្ថិតក្រោមការត្រួត ពិនិត្យរបស់សភាអាមេរិក ដើម្បីទប់ស្កាត់គម្រោងវាយប្រហារភេរវកម្មនានា នៅទូទាំងទឹកដីអាមេរិក ។
ក្នុងថ្ងៃជាមួយ គ្នានោះដែរ សារព័ត៌ មានAFP បានផ្សព្វផ្សាយថា លោកស្រីប្រធានាធិបតីអាល្លឺម៉ង អេនហ្គេឡា ម៉ាកែល ត្រូវបានក្រុមNSA លួចស្ដាប់ ការសន្ទនាតាំងពីឆ្នាំ២០០២ ចាត់តាំងពីលោកស្រីមិនទាន់ធ្វើជានាយករដ្ឋមន្ដ្រីមកម្ល៉េះ ។ នៅក្នុងសបា្ដហ៍នេះ ប្រធានចារកម្មអាល្លឺម៉ងនឹងធ្វើដំណើរទៅកាន់ អាមេរិកស្នើដល់ទីក្រុងវ៉ាស៊ីនតោនផ្ដល់ ចម្លើយឱ្យបានច្បាស់លាស់ពីសកម្មភាព ខាងលើរបស់អាមេរិក ៕
ប្រភពៈ នគរវត្ត
No comments:
Post a Comment