ភ្នំពេញ ៖
យោងតាមសេចក្តីប្រកាស ព័ត៌មានរបស់គណបក្ស សង្គ្រោះជាតិចុះថ្ងៃទី១
ខែវិច្ឆិកា ឆ្នាំ២០១៣ បានអោយដឹងថា ក្រុមការងារគណបក្សសង្គ្រោះជាតិ
និង គណបក្សប្រជាជនកម្ពុជា នឹងជួបគ្នាម្តងទៀតនៅថ្ងៃទី៥ ខែវិច្ឆិកា
ឆ្នាំ២០១៣ វេលាម៉ោង៩ព្រឹក
នៅវិមានរដ្ឋសភាដើម្បីពិភាក្សាគ្នា រកដំណោះស្រាយ ចំពោះវិបត្តិនយោបាយ
បច្ចុប្បន្ននៅប្រទេសកម្ពុជា
ហើយការជួបគ្នានេះ គឺជាការជួបគ្នា រវាងក្រុមការងារបច្ចេកទេសនៃ
គណបក្សទាំងពីរ។
ក្រុមការងារគណបក្សសង្គ្រោះជាតិ នៅមិនទាន់បានដឹងពីសមាសភាពនៅឡើយទេ
ប៉ុន្តែ ចំពោះគណបក្សប្រជាជនកម្ពុជា គឺមាន៥រូបគឺ លោក ព្រំ សុខា
រដ្ឋលេខាធិការក្រសួងមហាផ្ទៃ, លោក កើត រិទ្ធ
រដ្ឋលេខាធិការក្រសួងយុត្តិធម៌, លោក សោម សឿន នាយរងខុទ្ធកាល័យគណបក្ស
ប្រជាជនកម្ពុជា និង លោក ឡេង វី អនុរដ្ឋលេខាធិការក្រសួងមហាផ្ទៃ៕
ប្រភពៈ ភូមិអច្ឆរិយៈ
No comments:
Post a Comment