ខេត្ដឧត្ដរមានជ័យ ៖ រថយន្ដស៊េរី
ទំនើបម៉ាកកាមរីបាឡែន មួយគ្រឿងដឹក
ឈើគ្រញូងពេញរងការ ខូចខាតផ្នែកខាង មុខយ៉ាងដំណំ
ខណៈដែលអ្នកបើកបរ រថយន្ដបើកគេច ពីការតាមប្រមាញ់
របស់មន្ដ្រីដែលយក ដងផ្លូវធ្វើការិយា ល័យ
ប៉ុន្ដែចៃដន្យទៅបុកស្ពាន យ៉ាងពេញ ទំហឹង ។
ហេតុការណ៍នេះ បានកើតឡើង កាលពីវេលាម៉ោង៤រសៀល ថ្ងៃទី១ ខែ
វិច្ឆិកា ឆ្នាំ២០១៣ ស្ថិតក្នុងភូមិកណ្ដែក
សង្កាត់-ក្រុងសំរោង ខេត្ដឧត្ដរមានជ័យ។
បើតាមប្រភព
ព័ត៌មានពីប្រជាពល រដ្ឋដែលនៅជិតកន្លែងកើតហេតុបាន និយាយថា
មុនពេលកើតហេតុគេឃើញ រថយន្ដខាងលើបើកបរក្នុងទិសដៅពីជើង
ទៅត្បូងតាមផ្លូវជាតិលេខ៦៨B ខណៈ
កំពុងតែបើកបរស្រាប់តែមានរថយន្ដ ប្រមាណ២ទៅ៣គ្រឿងបើកប្រដេញ
ពីក្រោយធ្វើឱ្យអ្នកបើកបររថយន្ដកាមរីបាឡែនខំជាន់ហ្គារ
បន្ថែមល្បឿន ប៉ុន្ដែដល់ ស្ពានកណ្ដែកដែលជាចំណុចផ្លូវកោង
រថយន្ដក៏បានបុកនឹងក្បាលស្ពានធ្វើឱ្យ
រថយន្ដរងការខូចខាតយ៉ាងដំណំ ចំណែក អ្នកបើកបររងរបួស
ត្រូវបានគ្នីគ្នារបស់ គេយកទៅព្យាបាលដោយសុវត្ថិភាព
ដោយឡែកសមត្ថកិច្ចដែលយកដងផ្លូវ
ធ្វើមុខជំនួញបានបើករថយន្ដគេចបាត់ ។
ក្រោយហេតុការណ៍ កើតឡើងគេ ឃើញសមត្ថកិច្ចចម្រុះបានទៅដល់កន្លែង កើតហេតុធ្វើការរើឈើចេញពីរថយន្ដ ដើម្បីរាប់ចំនួនដុំ និងថ្លឹងព្រមទាំងយក ទៅរក្សាទុកនៅខណ្ឌរដ្ឋបាលព្រៃឈើខេត្ដ។
មន្ដ្រីរដ្ឋបាល ព្រៃឈើខេត្ដមួយរូប បាននិយាយថា រថយន្ដកាមរីបាឡែននោះ ពណ៌ស្ករដឹកឈើចំនួន១០៩ដុំ ស្មើនឹង ១.៧៨៤គីឡូក្រាមស្មើនឹង១.៤៨៦ម៉ែត្រគូប ។ នៅក្នុងហេតុការណ៍រថយន្ដកាមរី បាឡែនដឹកឈើគ្រញូងបុកស្ពាននេះគេ ជឿជាក់ថា មុននឹងរថយន្ដនេះហ៊ានដឹក ឈើទាំងភ្លឺចែស បែបនេះប្រហែលជាគេ រត់ការបង់លុយឱ្យស្ថាប័នជំនាញខ្លះៗ ហើយមើលទៅបានជាដឹកដោយគ្មាន ញញើតច្បាប់យ៉ាងនេះ ។
ចំណែកសមត្ថកិច្ច ដែលយកផ្លូវជាតិ លេខ៦៨B ធ្វើអាជីវកម្មនោះប្រហែល ជាគេមិនបានប្រាប់ទេទើបធ្វើការប្រដេញ បែបនេះ ។ ប៉ុន្ដែករណីនេះលោក ស ថាវី អភិបាលខេត្ដបានមានប្រសាសន៍ព្រមាន ជាញឹកញាប់ថា នៅក្នុងខេត្ដលោកមិនឱ្យ មានសមត្ថកិច្ចឈរនៅតាមដងផ្លូវនោះ ទេ ព្រោះធ្វើឱ្យប៉ះពាល់ដល់សន្ដិសុខ សណ្ដាប់ធ្នាប់ក៏ដូចជាការរំខានដល់ការ ដឹកអុស ធ្យូង ឬគ្រឿងសិប្បកម្មបន្ដិច ចន្ដួចរបស់ប្រជាពលរដ្ឋ ៕
No comments:
Post a Comment