ម៉ូ​តូ​ស្តូ​ពី​បុក​ម៉ូ​តូ​ស្មា​ស់​រង​របួស​ធ្ងន់​២នាក់​

ភ្នំពេញ​ ​៖ បុរស​ម្នាក់​បាន​ជិះ​ម៉ូ​តូ​ម៉ា​ក​ស្គូ​ពី​១​គ្រឿង​​ក្នុង​ល្បឿន​យ៉ាង​លឿន​ ​ជ្រុល​ទៅ​បុក​ម៉ូ​តូ​ស្មា​ស់​១គ្រឿង​ទៀត​យ៉ាង​ពេញ​ទំហឹង​ ​បណ្ដាល​ឲ្យ​រង​របួស​ធ្ងន់​ទាំង​សងខាង​ ​និង​ត្រូវ​បាន​រថ​យន្ត​ស​ង្គ្រោះ​ដឹង​ទៅ​យក​ទៅ​ស​ង្គ្រោះ​ភ្លា​មៗ​។​

ហេតុ​ការណ៍​នេះ​បាន ​កើត​ឡើង​កាល​ពី​វេលា​ម៉ោង​៨និង​៤០នាទី​យប់​ថ្ងៃ​ទី​១១ ខែ​វិ​ច្ឆិ​កា​ ​ឆ្នាំ​​២១០៣ តាម​ប​ណ្ដោ​យ​ផ្លូវ​លេខ​២១៤ កែង​ផ្លូវ​លេខ​១០៥ ស្ថិត​ក្នុង​សង្កាត់​បឹង​ព្រលិត​ ​ខណ្ឌ​៧មក​រា​ ​រាជ​ធានី​ភ្នំ​ពេ​ញ​។​

នគរបាល​ចរាចរ​បាន​ ឲ្យ​ដឹង​ថា​ ​មុន​ពេល​កើត​ហេតុ​ម៉ូ​តូ​១គ្រឿង​ម៉ា​ក​ស្មា​ស់​ ​ពណ៌​ខ្មៅ​ ​ពាក់​ស្លាក​លេខ​ភ្នំពេញ​1BS-0074 បើក​បរ​ដោយ​ឈ្មោះ​ ​សុ​ខំ​ ​ច​ន្ធី​រិ​ច្យា​ ភេទ​ប្រុស​ ​អាយុ​២០ឆ្នាំ​ ​ ​ស្នា​ក់​នៅ​សង្កាត់​មាន​ជ័យ​ ​ខណ្ឌ​មាន​ជ័យ​ ​ធ្វើ​ដំណើរ​តាម​ប​ណ្ដោ​យ​ផ្លូវ​លេខ​១០៥ ក្នុង​ទិស​ដៅ​ពី​ជើង​ទៅ​ត្បូង​ ​ខ​ណៈ​មក​ដល់​ចំណុច​កែង​ផ្លូវ​លេខ​២១៤ ស្រាប់តែ​មាន​ម៉ូ​តូ​១គ្រឿង​ម៉ា​ក​ស្គូ​ពី​ ​ពណ៌​ស​ខ្មៅ​ ​ពាក់​ស្លាក​លេខ​ភ្នំពេញ​ ​1BC-7561 ធ្វើ​ដំណើរ​តាម​ប​ណ្ដោ​យ​ផ្លូវ​លេខ​២១៤ ក្នុង​ទិស​ដៅ​ពី​លិច​ទៅ​កើត​ ​បើក​បរ​ដោយ​ឈ្មោះ​ ​សៀម​ ​សុខ​រ៉ា​ ​ភេទ​ប្រុស​ ​អាយុ​២៣ឆ្នាំ​ ​ស្នា​ក់​នៅ​ម្ដុំ​ទួល​ស​ង្កែ​ បាន​ជ្រុល​បុក​យ៉ាង​ពេញ​ទំហឹង​បណ្ដាល​ឲ្យ​រង​របួស​ធ្ងន់​ទាំង​២នាក់​ ​។

ក្រោយ​ពេល​កើត​ហេតុ ​ជន​រង​គ្រោះ​ត្រូវ​បាន​រថ​យន្ត​ស​ង្គ្រោះ​ដឹក​ទៅ​ស​ង្គ្រោះ​ភ្លា​មៗ​ចំណែក​ ម៉ូ​តូ​ត្រូវ​បាន​សមត្ថ​កិច្ច​ចុះ​អន្តរាគមន៍​ធ្វើ​ការ​វាស់​វែង​ ​និង​នាំ​យក​ទៅ​រក្សា​ទុក​នៅ​អធិការ​ដ្ឋា​ន​នគរបាល​ខណ្ឌ​៧មក​រា​ ​ដើម្បី​រង់​ចាំ​ដោះ​ស្រាយ​ពេល​ក្រោ​យ​ ៕ 

 

 ប្រភពៈ នគរវត្ត