សហគ្រិនទូទៅចង់ឲ្យអាជីវកម្មរបស់ខ្លួនហុចផ្លែផ្កា ធ្វើយ៉ាងណាអាចយកឈ្នះគូប្រជែងបានកាន់តែឆាប់កាន់តែល្អ។ ប៉ុន្តែ សមរភូមិអាជីវកម្មមិនងាយស្រួលដូចអ្នកគិតនោះឡើយ ហើយបើស្រួលដូចគេថាមែននោះ ប្រហែលជាមនុស្សគ្រប់រូបរត់ទៅបើកក្រុមហ៊ុន ឬ អាជីវកម្ម និងអាចជោគជ័យគ្រប់ៗគ្នាហើយ។វាជារឿងលំបាកមួយ តែទោះជាយ៉ាងណាក្តី បើអ្នកបានលូកដៃចូលប្រឡូកក្នុងអាជីវកម្មកាន់តែជ្រៅហើយ សូមកុំមានការថ្លោះធ្លោយប្រើរូបភាពខុសច្បាប់ ឬ មើលរំលងសកម្មភាពណាមួយដែលនាំឲ្យប៉ះពាល់ដល់អាជីវកម្មរបស់អ្នក។ កំហុសខាងក្រោមនេះ គឺជាឧទាហរណ៍ស្រាប់សម្រាប់សហគ្រិនគ្រប់រូបគួរតែស្វែងយល់ឲ្យបានច្បាស់លាស់ពេលបើកអាជីវកម្មរបស់ខ្លួន។
១) ជ្រើសរើសឈ្មោះក្រុមហ៊ុនខុស
នៅក្នុងទីលានអាជីវកម្ម ការដាក់ឈ្មោះក្រុមហ៊ុនមែនមែនចេះតែធ្វើឡើងតាមតែការនឹកឃើញរបស់អ្នកនោះឡើយ។ ឈ្មោះមិនទាក់ទាញ ពិបាកក្នុងការអាន និង ចងចាំ ស្មុគស្មាញ គឺជាកំហុសមួយរបស់សហគ្រិន ហើយវារឹតកាន់តែធ្ងន់ធ្ងរជាងនេះទៅទៀត ប្រសិនបើឈ្មោះក្រុមហ៊ុន ឬ ពាណិជ្ជនាម(Trademark) និង ផលិតផលក្រុមហ៊ុនរបស់អ្នកត្រូវបានចុះបញ្ជី និង ចែកចាយនៅលើទីផ្សាររួចរាល់។ ជៀសវាងបញ្ហានេះ សូមអ្នកស្វែងរក និង ផ្ទៀងផ្ទាត់ឈ្មោះអាជីវកម្មរបស់អ្នកឲ្យបានច្បាស់លាស់ជាមុនសិន ឬ អាចលួចមើលឈ្មោះក្រុមហ៊ុនដៃគូប្រកួតដ៏មានសក្ដានុពលយកមកធ្វើគំរូបាន។
២) គ្មានប្រាក់ត្រៀមទុកសម្រាប់បើកអាជីវកម្ម
សម្រាប់ការចំណាយផ្សេងៗនៅក្នុងការបើកអាជីវកម្ម អាចមានចំនួនច្រើនហួសពីអ្វីដែលជាការរំពឹងទុករបស់អ្នក។ អ្នកអាចកំណត់ការចំណាយសម្រាប់គម្រោងអាជីវកម្មក្នុងចំនួនមួយបាន តែនៅពេលដែលអាជីវកម្មនោះចាប់ផ្តើមអនុវត្តទើបដឹងថា វាពិតជាត្រូវការប្រាក់ច្រើនជាងនេះ។ បើអ្នកមានប្រាក់ត្រៀមទុកជាមុនគឺជារឿងមួយល្អ ចុះបើគ្មានវិញនោះតើលទ្ធផលនឹងទៅជាយ៉ាងណា? នេះមិនធ្វើឲ្យអ្នកដួលរលំហើយមែនទេ? ជាគោលការណ៍ទូទៅ អ្នកត្រូវមានប្រាក់ត្រៀមទុកជាមុនស្មើនឹង២០% នៃគម្រោងចំណាយរបស់អ្នកសម្រាប់បើកអាជីវកម្មនេះ ទើបអាចការពារអាជីវកម្មរបស់អ្នកឲ្យជៀសផុតពីការដួលរលំបាន។
សម្រាប់ការចំណាយផ្សេងៗនៅក្នុងការបើកអាជីវកម្ម អាចមានចំនួនច្រើនហួសពីអ្វីដែលជាការរំពឹងទុករបស់អ្នក។ អ្នកអាចកំណត់ការចំណាយសម្រាប់គម្រោងអាជីវកម្មក្នុងចំនួនមួយបាន តែនៅពេលដែលអាជីវកម្មនោះចាប់ផ្តើមអនុវត្តទើបដឹងថា វាពិតជាត្រូវការប្រាក់ច្រើនជាងនេះ។ បើអ្នកមានប្រាក់ត្រៀមទុកជាមុនគឺជារឿងមួយល្អ ចុះបើគ្មានវិញនោះតើលទ្ធផលនឹងទៅជាយ៉ាងណា? នេះមិនធ្វើឲ្យអ្នកដួលរលំហើយមែនទេ? ជាគោលការណ៍ទូទៅ អ្នកត្រូវមានប្រាក់ត្រៀមទុកជាមុនស្មើនឹង២០% នៃគម្រោងចំណាយរបស់អ្នកសម្រាប់បើកអាជីវកម្មនេះ ទើបអាចការពារអាជីវកម្មរបស់អ្នកឲ្យជៀសផុតពីការដួលរលំបាន។
៣) គេចវេស ឬ ក្លែងបន្លំក្នុងការបង់ពន្ធ
ពន្ធពីការបើកអាជីវកម្មរបស់ត្រូវធ្វើឡើងដោយក្រសួង ឬ ស្ថាប័នពាក់ព័ន្ធរបស់រដ្ឋាភិបាលដែលទទួលខុសត្រូវលើកិច្ចការពន្ធដារនេះ។ ក្រុមហ៊ុនរបស់អ្នកបង្កើតឡើងដោយស្របច្បាប់ តែអ្នកបែរជាមានចេតនាគេចវេស ឬ ក្លែងបន្លំមិនព្រមបង់ពន្ធជួនរដ្ឋឲ្យបានត្រឹមត្រូវ នោះគឺជាកំហុសដ៏ធ្ងន់ធ្ងរមួយមិនអាចទទួលយកបាន។ រូបភាពបែបនេះ មិនមែនស្ថិតនៅក្នុងគោលការណ៍ធ្វើអាជីវកម្មនោះឡើយ ហើយករណីអាចកើតមានបាន លុះត្រាតែមានការឃុបឃិតគ្នារវាងអ្នក និង មន្ត្រីទទួលខុសត្រូវពន្ធដារណាមួយប៉ុណ្ណោះ។ ប៉ុន្តែបើច្បាប់មិនធូររលុងទេ ក្នុងរយៈពេលដ៏ខ្លីណាមួយអាជីវកម្មរបស់អ្នកនឹងដាច់ដង្ហើមជាក់ជាមិនខាន។
ពន្ធពីការបើកអាជីវកម្មរបស់ត្រូវធ្វើឡើងដោយក្រសួង ឬ ស្ថាប័នពាក់ព័ន្ធរបស់រដ្ឋាភិបាលដែលទទួលខុសត្រូវលើកិច្ចការពន្ធដារនេះ។ ក្រុមហ៊ុនរបស់អ្នកបង្កើតឡើងដោយស្របច្បាប់ តែអ្នកបែរជាមានចេតនាគេចវេស ឬ ក្លែងបន្លំមិនព្រមបង់ពន្ធជួនរដ្ឋឲ្យបានត្រឹមត្រូវ នោះគឺជាកំហុសដ៏ធ្ងន់ធ្ងរមួយមិនអាចទទួលយកបាន។ រូបភាពបែបនេះ មិនមែនស្ថិតនៅក្នុងគោលការណ៍ធ្វើអាជីវកម្មនោះឡើយ ហើយករណីអាចកើតមានបាន លុះត្រាតែមានការឃុបឃិតគ្នារវាងអ្នក និង មន្ត្រីទទួលខុសត្រូវពន្ធដារណាមួយប៉ុណ្ណោះ។ ប៉ុន្តែបើច្បាប់មិនធូររលុងទេ ក្នុងរយៈពេលដ៏ខ្លីណាមួយអាជីវកម្មរបស់អ្នកនឹងដាច់ដង្ហើមជាក់ជាមិនខាន។
៤) បញ្ចុះតម្លៃផលិតផល
វាជារឿងកម្រដែលថា អាជីវកម្មថ្មីថ្មោងបានបើកទ្វា ហើយអាចបោះជំហានទៅមុខក្នុងរយៈពេលដ៏ខ្លីមួយ។ ជាទូទៅលទ្ធផលបែបនេះ ត្រូវចំណាយពេលជាច្រើនឆ្នាំ និង ត្រូវឆ្លងកាត់ដំណាក់កាលនីមួយៗរបស់វា។ ប្រសិនបើអ្នកបានធ្វើការស្រាវជ្រាវនៅលើទីផ្សារ និង ចរចាទិញលក់ផលិតផលរបស់ក្រុមហ៊ុនណាមួយមកលក់បន្ត សូមកុំបញ្ចុះតម្លៃផលិតផលរបស់អ្នកឲ្យសោះ ទោះបីជាមិនមានអតិថិជនណាម្នាក់ចូលមកទិញផលិតផលរបស់អ្នកក៏ដោយ។
វាជារឿងកម្រដែលថា អាជីវកម្មថ្មីថ្មោងបានបើកទ្វា ហើយអាចបោះជំហានទៅមុខក្នុងរយៈពេលដ៏ខ្លីមួយ។ ជាទូទៅលទ្ធផលបែបនេះ ត្រូវចំណាយពេលជាច្រើនឆ្នាំ និង ត្រូវឆ្លងកាត់ដំណាក់កាលនីមួយៗរបស់វា។ ប្រសិនបើអ្នកបានធ្វើការស្រាវជ្រាវនៅលើទីផ្សារ និង ចរចាទិញលក់ផលិតផលរបស់ក្រុមហ៊ុនណាមួយមកលក់បន្ត សូមកុំបញ្ចុះតម្លៃផលិតផលរបស់អ្នកឲ្យសោះ ទោះបីជាមិនមានអតិថិជនណាម្នាក់ចូលមកទិញផលិតផលរបស់អ្នកក៏ដោយ។
បញ្ហានៃការចុះតម្លៃនោះគឺថា អាជីវកម្មថ្មីថ្មោងអាចរីកចម្រើនមិនដោយសារតែការបញ្ចុះតម្លៃនោះឡើយ។ ក្នុងរយៈពេលដ៏ខ្លីនេះ អ្នកមិនអាចយកឈ្នះគូប្រជែងរបស់អ្នកដែលមានបទពិសោធន៍លើអាជីវកម្មយូរឆ្នាំបានភ្លាមៗនោះឡើយ។ តួនាទីរបស់អ្នកក្នុងដំណាក់កាលនេះគឺការដកស្រង់បទពិសោធន៍ និង ការយកចិត្តទុកដាក់ពីអ្វីដែលជាតម្រូវការរបស់អតិថិជន។ អតិថិជនមួយចំនួនពិនិត្យលើតម្លៃជាសំខាន់ ខណៈដែលអតិថិជនផ្សេងទៀតពិនិត្យលើគុណភាព តែអ្នកត្រូវចាំថា ក្នុងទីផ្សារអាជីវកម្មគុណភាពមានសារសំខាន់ជាងបរិមាណ។ បើមិនដូច្នេះទេ អ្នកនឹងលក់ជើងខ្លួនឯងជាមិនខាន។
៥) មិនចុះអាជ្ញាប័ណ្ណក្រុមហ៊ុន
សហគ្រិនមួយចំនួនយល់ថា ក្រុមហ៊ុនរបស់ខ្លួននៅតូច មិនមានបុគ្គលិកច្រើន មានចំណែកទីផ្សារតូចតាចនៅក្នុងសង្គម។ នេះហើយជាមូលហេតុដែលធ្វើឲ្យសហគ្រិនទាំងនោះ មិនខ្វាយខ្វល់រឿងចុះឈ្មោះក្រុមហ៊ុននោះឡើយ ម្យ៉ាងទៀតវាក៏ត្រូវការចំណាយប្រាក់ច្រើន និង ស្មុគស្មាញទៀតផង។ អ្នកមានសួរខ្លួនឯងទេថា តើនឹងមានអ្វីកើតឡើងប្រសិនបើមានជនទីពីរ ឬ គូប្រជែងណាម្នាក់មកប្តឹងថា អ្នកបានលួចចម្លង ឬ អាជីវកម្មរបស់អ្នកមិនស្របច្បាប់ប៉ះពាល់ដល់ក្រុមហ៊ុនរបស់គេដែលមានអាជ្ញាប័ណ្ណត្រឹមត្រូវ? ទោះបីជាពេលខ្លះគេគិតថា មិនអាចឈ្នះក្តី ប៉ុន្តែអ្នកនឹងត្រូវចំណាយប្រាក់ច្រើនសម្រាប់ការពារខ្លួនតតាំងនឹងភាគីនោះដែលរឹតកាន់តែធ្វើឲ្យអ្នកចំណាយប្រាក់ច្រើនទៀត។ ចុះបើអ្នកចាញ់វិញ ហើយមិនមានឈ្មោះក្រុមហ៊ុនពិតប្រាកដ នោះទ្រព្យសម្បត្តិ និង អាជីវកម្មរបស់អ្នកមិនត្រូវរឹបអូស ឬ បិទទ្វារឬយ៉ាងម៉េច? គុណវិបត្តិនេះពិតជាមាន ហើយអាចមានច្រើនក៏ថាបាន។ ដូច្នេះហើយជាដំបូន្មានដ៏ល្អ ប្រសិនបើអ្នកចង់ឲ្យអាជីវកម្មមានស្ថិរភាពស្របតាមច្បាប់ អ្នកគួរតែចុះឈ្មោះក្រុមហ៊ុនទៅវាប្រសើរជាង។
សហគ្រិនមួយចំនួនយល់ថា ក្រុមហ៊ុនរបស់ខ្លួននៅតូច មិនមានបុគ្គលិកច្រើន មានចំណែកទីផ្សារតូចតាចនៅក្នុងសង្គម។ នេះហើយជាមូលហេតុដែលធ្វើឲ្យសហគ្រិនទាំងនោះ មិនខ្វាយខ្វល់រឿងចុះឈ្មោះក្រុមហ៊ុននោះឡើយ ម្យ៉ាងទៀតវាក៏ត្រូវការចំណាយប្រាក់ច្រើន និង ស្មុគស្មាញទៀតផង។ អ្នកមានសួរខ្លួនឯងទេថា តើនឹងមានអ្វីកើតឡើងប្រសិនបើមានជនទីពីរ ឬ គូប្រជែងណាម្នាក់មកប្តឹងថា អ្នកបានលួចចម្លង ឬ អាជីវកម្មរបស់អ្នកមិនស្របច្បាប់ប៉ះពាល់ដល់ក្រុមហ៊ុនរបស់គេដែលមានអាជ្ញាប័ណ្ណត្រឹមត្រូវ? ទោះបីជាពេលខ្លះគេគិតថា មិនអាចឈ្នះក្តី ប៉ុន្តែអ្នកនឹងត្រូវចំណាយប្រាក់ច្រើនសម្រាប់ការពារខ្លួនតតាំងនឹងភាគីនោះដែលរឹតកាន់តែធ្វើឲ្យអ្នកចំណាយប្រាក់ច្រើនទៀត។ ចុះបើអ្នកចាញ់វិញ ហើយមិនមានឈ្មោះក្រុមហ៊ុនពិតប្រាកដ នោះទ្រព្យសម្បត្តិ និង អាជីវកម្មរបស់អ្នកមិនត្រូវរឹបអូស ឬ បិទទ្វារឬយ៉ាងម៉េច? គុណវិបត្តិនេះពិតជាមាន ហើយអាចមានច្រើនក៏ថាបាន។ ដូច្នេះហើយជាដំបូន្មានដ៏ល្អ ប្រសិនបើអ្នកចង់ឲ្យអាជីវកម្មមានស្ថិរភាពស្របតាមច្បាប់ អ្នកគួរតែចុះឈ្មោះក្រុមហ៊ុនទៅវាប្រសើរជាង។
៦) មិនរៀនពីកំហុសរបស់ខ្លួន
ការមិនរៀនពីកំហុសរបស់ខ្លួន អាចនឹងធ្វើឲ្យអ្នកធ្លាក់ខ្លួនចូលក្នុងជ្រោះម្ដងទៀត ហើយនៅទីបំផុតអ្នកបន្សល់ទុកតែភាពស្តាយក្រោយសម្រាប់ខ្លួនឯង។ ជាសហគ្រិនអ្នកត្រូវរៀន និងដកស្រង់បទពិសោធន៍ល្អៗពីកំហុសរបស់អ្នក ដែលនេះជាចំណែកមួយអាចធ្វើឲ្យអ្នករឹងមាំបាន។ ការមើលឃើញពីចំណុចខ្វះខាតរបស់អ្នកនេះហើយ ដែលធ្វើឲ្យអ្នកមានភាពចាស់ទុំជាងមុន អាចគ្រប់គ្រងអាជីវកម្មឲ្យមានប្រសិទ្ធភាពជាងមុនបាន។
ការមិនរៀនពីកំហុសរបស់ខ្លួន អាចនឹងធ្វើឲ្យអ្នកធ្លាក់ខ្លួនចូលក្នុងជ្រោះម្ដងទៀត ហើយនៅទីបំផុតអ្នកបន្សល់ទុកតែភាពស្តាយក្រោយសម្រាប់ខ្លួនឯង។ ជាសហគ្រិនអ្នកត្រូវរៀន និងដកស្រង់បទពិសោធន៍ល្អៗពីកំហុសរបស់អ្នក ដែលនេះជាចំណែកមួយអាចធ្វើឲ្យអ្នករឹងមាំបាន។ ការមើលឃើញពីចំណុចខ្វះខាតរបស់អ្នកនេះហើយ ដែលធ្វើឲ្យអ្នកមានភាពចាស់ទុំជាងមុន អាចគ្រប់គ្រងអាជីវកម្មឲ្យមានប្រសិទ្ធភាពជាងមុនបាន។
៧) មិនមានប័ណ្ណធានារ៉ាប់រង
ក្រុមហ៊ុនស្ទើរតែទាំងអស់ត្រូវបានគេមើលឃើញថា បានផ្តល់ប័ណ្ណធានារ៉ាប់រងគ្រប់គ្រាន់សម្រាប់បុគ្គលិករបស់ខ្លួន។ ការធានារ៉ាប់រងសម្រាប់បុគ្គលិក កម្មករ គឺបានរួមចំណែកយ៉ាងសំខាន់ក្នុងការផ្តល់អត្ថប្រយោជន៍ឲ្យពួកគេលើថ្លៃព្យាបាលជំងឺ ឬ គ្រោះថ្នាក់ផ្សេងៗដែលកើតឡើងដោយយថាហេតុ។ ការធានារ៉ាប់រងគួរតែធ្វើទៅលើបុគ្គលិកពេញសិទ្ធិ តែមិនគួរធ្វើទៅលើបុគ្គលិកជាប់កិច្ចសន្យានោះឡើយ។ បើអ្នកមិនមានចំណុចនេះទេ បុគ្គលិករបស់អ្នកអាចបាត់បង់ទំនុកចិត្ត យ៉ាងហោចណាស់ក៏មានភាពស្ទាក់ស្ទើរធ្វើការឲ្យអ្នកដែរ៕
ប្រភពៈthebnews
ក្រុមហ៊ុនស្ទើរតែទាំងអស់ត្រូវបានគេមើលឃើញថា បានផ្តល់ប័ណ្ណធានារ៉ាប់រងគ្រប់គ្រាន់សម្រាប់បុគ្គលិករបស់ខ្លួន។ ការធានារ៉ាប់រងសម្រាប់បុគ្គលិក កម្មករ គឺបានរួមចំណែកយ៉ាងសំខាន់ក្នុងការផ្តល់អត្ថប្រយោជន៍ឲ្យពួកគេលើថ្លៃព្យាបាលជំងឺ ឬ គ្រោះថ្នាក់ផ្សេងៗដែលកើតឡើងដោយយថាហេតុ។ ការធានារ៉ាប់រងគួរតែធ្វើទៅលើបុគ្គលិកពេញសិទ្ធិ តែមិនគួរធ្វើទៅលើបុគ្គលិកជាប់កិច្ចសន្យានោះឡើយ។ បើអ្នកមិនមានចំណុចនេះទេ បុគ្គលិករបស់អ្នកអាចបាត់បង់ទំនុកចិត្ត យ៉ាងហោចណាស់ក៏មានភាពស្ទាក់ស្ទើរធ្វើការឲ្យអ្នកដែរ៕
ប្រភពៈthebnews
No comments:
Post a Comment